رئيس مجلس الإدارة
طارق لطفى
رئيس التحرير
أحمد سليمان
هشام جمال يكشف تفاصيل قصة حبه لـ ليلى زاهر
كشف الفنان والمنتج هشام جمال عن بداية علاقته بـ ليلي زاهر وتطورها للخطوبة قائلاً: "أنا طول عمرى بتعامل مع ليلى على إنها زميلتى في الشعل وبنت صاحبى وحبيبى وأخويا أحمد زاهر، وأنا باصص لها بصة معينة مفيهاش أي مشاعر حب وغراميات ومكنش في حاجة وقتها".
وأضاف هشام جمال خلال لقائه في برنامج "صاحبة السعادة" للإعلامية إسعاد يونس : "ليلى كانت علطول كل بوستاتها بتقول أخويا الكبير، وفعلا محصلش أى حاجة وقت المسلسل في الجزئين، لحد نقطة معينة الأمور وعلاقة بدأت تتغير شوية يمكن بعد المسلسل بسنة تقريباً لكن مكناش مخبيين على الناس ولا حاجة".
وقالت ليلى زاهر: "هو فعلا مكنش في أي حاجة خالص، ولما كنا بنشتغل سوا كان شغل وزملاء وأصحاب وبشوفه أخويا الكبير، وهشام جدع مع كل الناس ودايما موجود في المواقف الوحشة قبل الحلوة، واكتشفت ده مع الوقت".
وتابعت ليلي زاهر: "وقت المسلسل مكنش في أي حاجة بينا وعلاقتنا تطورت خلال فترة معرفتنا ببعض، وأنا يمكن اكتشفت أن عندى حاجة كنت بحسها بس مش فاهمة ده ايه، وكنت عادى بتكلم مع والدى ووالدى بكل براءة، ودى أول مرة فعلا أحب".
اترك تعليق