رئيس مجلس الإدارة
طارق لطفى
رئيس التحرير
أحمد سليمان
محمد صلاح عبر الانستجرام: "ما تسمحش لأي حد يقبلك بشروط"
نشر محمد صلاح، لاعب نادي ليفربول الإنجليزي، منشور جديد على خاصية الأستوري بموقع التواصل الاجتماعي إنستجرام.
حيث شارك محمد صلاح جمهوره بصورة من إحدى صفحات كتاب الطبيب النفسي والكاتب الدكتور محمد طه «الخروج عن النص» تقول:
«رابعًا.. ودي أهم واحدة.. كن نفسك.. ما تكونش زي ما أي حد عاوز.. ما تسجنش نفسك في آراء الآخرين.. وما تفصلش نفسك على مقاس أي حد، اللي عاوزك 37 واللى عاوزك 39 واللي عاوزك 42.. ما تسمحش لأي حد يشوف فيك نفسه، ويحاول يحقق من خلالك أحلامه الشخصية.. ما توافقش إن أي حد يشوفك امتداد ليه، أو مشروعه الاستثماري الخاص.. ما تسمحش لأي حد يقبلك بشروط، أو يحبك بشروط، أو يحترمك بشروط.. أنت نفسك.. نفسك وبس.. أنت في رحلة.. فيها صعود وهبوط.. فيها حركة وفيها ثبات.. فيها خطوات لقدام، وساعات خطوات لورا.. فيها وقوع، وفيها لخبطة.. فيها حيرة وفيها شك.. فيها نور وفيها ضلمة.. فيها كل حاجة.. كل حاجة.. واللي ما يشوفش ده ويقبله ويقبلك بيه.. تقوله شكرًا.. وتكمل رحلتك من غيره».
ويستمر محمد صلاح مع ليفربول في مرحلة العلاج والتأهيل، استعدادًا للعودة للمشاركة في المباريات بعد إصابته في العضلة الخلفية خلال كأس الأمم الأفريقية 2023.
وفيما يتعلق بقمة ليفربول وأرسنال اليوم، تشيرتقارير إلى عدم إمكانية مشاركته في المباراة، لكنه قد يكون جاهزًا لمواجهة بيرنلي في الدوري الإنجليزي المقررة في 10 فبراير.
اترك تعليق