رئيس مجلس الإدارة
طارق لطفى
رئيس التحرير
أحمد سليمان
القصة الكاملة لفتاة ادعت أنها شقيقة شيرين عبدالوهاب.. تخلت عني
تصدرت فتاة تدعى "منيرة" التريند خلال الساعات الماضية بعد ادعائها أنها شقيقة الفنانة شيرين عبد الوهاب، وذلك بعد قيامها بنشر فيديو لها عبر "تيك توك"، وأكدت أن شيرين تخلت عنها هي ووالدتها.
من جانبه قرر شقيق الفنانة شيرين عبد الوهاب الخروج عن صمته وتهديده لها برفع قضية ضدها بسبب كذبها.
وكتب محمد عبد الوهاب شقيق شيرين كتب عبر حسابه على "فيس بوك": "حسبي الله ونعم الوكيل، أهو زي ما إنتو شايفين كده ناس مريضة وناس حقودة، وناس مقرفة وناس غلاوية وبلاوى بتتحدف علينا وناس أقسم بالله ولا لينا علاقة بيهم مستنقع قذارة وخلصنا من لوسى جابتلنا توتى، وناس ولا تعرفنا تطلع تقول علينا كلام كله افترى ما يعلم بيه إلا ربنا".
وأضاف: "ودلوقتي واحدة بتقول إنها أختنا من الأم وبكرة واحدة تانية من الأب وشوية ونلاقى اخواتنا في الرضاعة كمان، ما هي هيصة بقى ومش هنخلص، مش عارف أقول حسبى الله ونعم الوكيل على مين بالضبط على الناس دى ولا على اللى حطنا فى الليلة دى غصب عننا، وسيتم تقديم بلاغ رسمى ضد المريضة دى نشوف إيه حكايتها ومين وراها".
مما دفعها للخروج فى فيديو جديد، بعدما حذفت الفيديو الأخير لتوضح فى فيديو جديد كشفت خلاله أن انتحالها شخصية أخت شيرين ما هو إلا بغرض الهزار، كما قدمت الاعتذار إلى شيرين.
وأكدت "منيرة" خلال الفيديو: "إحنا شعب بطبيعتنا بيحب الهزار، لكن أنا ما شهرتش بـ شيرين عبد الوهاب خالص اللى شهر بشيرين، اللى شهر بيها كل واحد شاف وشارك الفيديو من قبل ما يتأكد من صحته، يا شيرين حقك عليا أنا كنت بهزر والناس اللي خدته بجد عايزين يعملوا قلق، وبعد ما نزلت الفيديو لقيته عامل ضجة كبيرة".
اترك تعليق