حكمت محكمة جنايات اسيوط برئاسة المستشار أحمد عبدالتواب صالح  وعضوية المستشارين روميل شحاته امين  و ضياء الدين أحمد دهيس وبحضور  هشام محمد الشريف  وكيل النيابة وبامانة سر عادل حسين ابو الريش و زكريا حافظ حضوريا بمعاقبة المتهم احمد.م.ه   .بالسجن المشدد لمدة ثلاث سنوات والزامه بدفع المصاريف الجنائية 

كشفت تحقيقات نيابة قسم ثان اسيوط فى  الجناية   رقم ١١٠٠٢ لسنة ٢٠٢١   و المقيد ة برقم ٤١٩٣ لسنه ٢٠٢١ كلي جنوب اسيوط والتى احالها المستشار   خالد محمد عبدالشکور المحامي العام الاول لنيابات جنوب اسيوط  الى محكمة الجنايات 

  لأنه في اليوم الثالث والرابع من شهر اكتوير عام ٢٠٢١

قتل احمد.م.ه شقيقته المجنى عليها اسماء مع سبق الاصرار باستخدام جوهرا سام قرص سوس اعده مسبقا ووضعه فى مشروبها قاصدا قتلها و ما ان احتسته حدثت اصابتها وما تلاها من مضاعفات التى اؤدت بحياتها 

تعود احداث الواقعة عندما تلقي  النقيب  حسام طاهر معاون مباحث قسم ثان أسيوط بلاغا من  غرفة عمليات النجدة  وبالانتقال الى موقع البلاغ بصحبه  قوات الإنقاذ النهري  تمكنوا من انتشال جثة لاحدي الفتيات  غرقا بمياه نهر النيل  خلف محكمة أسيوط امام مقر الإنقاذ النهري وبفحص الجثة تبين لنا أنها لفتاة في العقد الثالث من العمر ترتدي بنطال أسود اللون أعلاء  بلوزة كحلى اللون وكذا ترتدي عدد ٢ اثنين طرحة مربوطين حول العنق الفتاة وترتدي حلق باذنها ولم نعثر مع الفتاة علي ثمة متعلقات اخري لمعرفة هويتها او ثمة معلومات عنها و بعد مناظرتها تبين خلوها من ثمة إصابات ظاهرية وتم نقلها الي مستشفى الإيمان بالاربعين 

وافاد تقرير  الإدارة العامة لتحقيق الأدلة الجنائية بمنطقة شمال الصعيد قسم ادلة أسيوط  ان الجثة محل الواقعة انطبقت بصماتها بالفحص الفني مع المدعوة  أسماء م.ه المقيمة  دائرة قسم ثان أسيوط

اكدت التحريات الاولية ان المجنى عليها تدعى أسماء .ح.ه  و تعمل بعيادة احد الأطباء ببرج خالد بن الوليد "  دائرة قسم أول أسيوط بميدان المحطة وانها متغيبة عن العمل منذ اليوم الثالث من شهر اكتوبر الماضي   وانه هاتفها المحمول  مغلق منذ تاريخ تغييها و ان وراء ارتكاب الواقعة اشقائها احمد .ح.ه ومحمد ح.ه سنه ٣٢ سنه  ومحمود .ح.ه  ٢١ سنه سائقى توك توك

 .  اضافت التحريات إتفاق سالفي الذكر وعقدهم العزم على التخلص من شقيقتهم وذلك نظرا لسوء سلوكها ومعايرة أقارب وجيران الاهلية لهم بذلك  

اعترف احمد .م.ه فى تحقيقات النيابة قائلا اللي حصل انه يوم السبت الموافق ۲۰۲۱/۱۰/۲ ركبت الموتسيكل بتاعي ورحت عند اختي  أسماء  في الشغل بتاعها عند عياده احد الأطباء في برج خالد بن الوليد  بميدان المحطة وبعدين اخدتها علي بيت عائشة محمد عبد الرحيم اللي فشارع البل اول أسيوط وقعدنا مع بعض وأول ما قعدوا عائشة وأسماء اختي يتكلموا مع بعض وانا روحت مغفلهم وحطيت سم الفئرآن في العصير اللي جبتة من الثلاجة وحطيتة في كوباية ودوبته فية وادتهولها وشربته لما اسماء طلبت تشرب ميه وبعدين اختي ابتدت تدوخ وانا شايفها وبعدين دخلت الحمام وطلعت وكان باين عليها الدوخة بزياده فعائشة قالتلها اروح اجبلك حقنة مسكن روحت انا نزلت وجبتلها حقنة المسكن وطلعت لقيتها نامت ودخلتها الاوضة واديتها حقنة المسكن ، من اوضة النوم وعائشة راحت سالتني عن اللي حصل لاختي فقلتلها ان انا حطيت منوم ليها في كوباية العصير بعد ما قضيت العصير من العلبة عشان تنام لان انا عاوز اوديها المصحة النفسية واكشفلها وبعدين قعدت اتصل علي اخواتي محمد ومحمود عشان يتصرفوا في عربية عشان اشيل اختي وبعدين قعدنا لغاية الساعة عشرة بالليل وملقناش عربية وهما اخواتي مكنوش يعرفوا انا عاوز العربية لية وبعدين قفلت علي اختي الاوضة بالمفتاح ومشيت وتاني يوم الصبح روحت عند عائشة في البيت عشان اخد اختي بس اخواتي متصرفوش في العربية وقولت لابويا علي اللي حصل بعد ما اتصلت علية وخليتة يجي عند عائشة راح مزعق فيا وضربني بالقلم وقالي ازاي تعمل كده من غير متشورني وبعد كده مشي وبعدين في نفس اليوم اتصرف اخويا محمود في العربية وانا اتصلت علية من غير ما يعرف ان عاوز العربية لية وجالي حوالي الساعة عشرة بالليل ومشيتة عشان الناس في الشارع متعرفش انا اية اللي عملتة ومشيتة وبعدين حوالي الساعة ثلاثة الفجر جاللي اخواتي محمد ومحمود فقولتلهم علي اللي عملتلة في اختي أسماء راحوا زعقوا معاي وقاللولي انت عملت كده لية فقولتلهم الناس بتعايرنا باللي بتعملة اختكم وبعدين انا ومحمد اخويا طلعنا فوق الشقة من غير ما تحس بينا عائشة ولفيته فى الملاية والساعة كانت ٣ الفجر  

 ونزلنا بها وخطيناها في العربية وبعدين روحت علي كوبري الواسطي ونزلت اختي من العربية وحطيت ايدي علي صدرها ومناخيرها عشان اشوف فيها نفس ولا لا عشان اوديها المستشفى لقيتها ميتة وقاطعه النفس ورميت اختي وانا ومحمد من علي الكوبري ومشينا وده كل اللي حصل وانا روحت القسم لوحدي وسلمت نفسي يوم الجمعه اللي فاتت وحكيت كل اللي حصل

انا عملت كدة علشان اختي أسماء  مشيها بطال وسمعتها مش كويسة وتمشي مع رجالة كثير وكل شوية تمشي من عند جوزها وبتعمل محاضر لابويا ولينا وجوزها والناس بتعايرنا بها فانا مقدرتش استحمل اكثر . ه وعملت اللي عملته ده و انا بعد ما عملت كده ندمان وزعلان على اللي عملتة

قالت عائشة فى تحقيقات النيابة اللي حصل أن يوم السبت ٢٠٢١/١٠/٢ كنت قاعده في البيت وجاه احمد واخته اسماء وقعدنا شوية واحمد جاب كوباية مياه وعصير من التلاجة  وقاللى انه حاطط منوم لها في العصير عشان عاوز يدخلها مصحة نفسية ويعالجها عشان عاملة مشاكل معاهم ومع أبوه وكمان مع جوزها ودايما بتسيب البيت واي حد يكلمها تشتكية ودخلها اوضة عندي في الشقة وكلم اخواله علشان يجيبوا عربية ولقيته قفل الاوضة اللي فيها أسماء بالمفتاح وخد  المفتاح ومشي و قاللي ان جرعة المنوم اللي واخدها تخليها تنام يومين فا انا دخلت و صحيت الصبح ولقيت احمد جة لوحده وبرضة مجيش العربية فروحت قولتلة انا رايحة الجامعه عشان اخلص ورق علاج ابني ورجعت من الجامعه لقيت احمد  برضة محبش العربية ولقيت عم م. ابوه جة علي العصر بس كان شكلة كان تعبان خالص قعد شوية وبعدين دخل اوضة البلكونة وقعد يتكلم مع احمد ابنة وهما طلعوا من الأوضة وعم م. قال انه ماشي عشان تعبان فانا قولت لاحمد ابوك موافق ان يودي اختك المصحة راح قائلي انه موافق وان اكثر واحد اتذه منها هو ابويا كل شوية تعملة محاضر في القسم فرجع احمد تاني ولقيتة بيتكلم مع اخوانة عشان يتصرفوا في عربية وبرضة دخلوا الاوضة اتكلموا مع بعض معرفش اتكلموا في اية وبعدين محمد ومحمود  اخدوا بعضهم ومشيوا واحمد اللي قعد وبعدين بعدها بساعة احمد نزل وغاب ساعة وجه تاني وبعد كده على الساعة ثلاثة ونص الفجر لقيت عربية هيونداي سوده راكب فيها محمود  وكانت بعد العمارة بشوية وبعديها انا وقفت في البلكونة وكان معاي ابني سمعت صوت الباب بتاع الشقة خبط فقولت انهم اكيد اخدوا أسماء اختهم و ببص لقيت محمد  شايل اختة أسماء علي ايده واحمد اخوه فتح لية باب العربية من وراء وركب محمد  مع اختة من وراه واحمد لف وركب من قدام جنب السواقى محمود اخوه وقبل ما يدخلوها في العربية انا شوفت محمد  لفف اختة أسماء في ملاية متاخده من عندي لونها اصفر في احمر قطيفة ويوم الثلاثاء اللي بعدها انا قابلت احمد في مستشفي الجامعه فقولتلة انا عايزه ازور أسماء في المصحة عشان اطمن عليها راح قاللي مينفعش عشان الزيارة ممنوعه عليها لانها بتاخد كورس علاج 

فاصدرت المحكمة حكمها المتقدم