رئيس مجلس الإدارة
طارق لطفى
رئيس التحرير
أحمد سليمان
شاكوش لـ العسيلي: " اغانى المهرجانات ستظل مستمرة"
علق مؤدي المهرجانات حسن شاكوش، أن أغانيهم ستظل مستمرة، ردّا على تصريحات المطرب محمود العسيلي، أن أغاني المهرجانات تراجعت .
وقال حسن شاكوش، خلال لايف عبر إنستجرام: كل نجم ليه وقت، ولازم يأخد هدنة، بس لما بيرجع بيطلع حاجات هتقعدكم في بيتكم، وإحنا مجال المزيكا بتاعتنا والمهرجان والغنوة الشعبي ده مش هيموت، الناس تعبت من كتر الاكتئاب، والأغاني اللى بتجيب الاكتئاب وبتجيب ملل وبتعقد الناس.
وأضاف حسن شاكوش: الناس ما بتصدق تسمع أغنية شعبي ليا أو لأى مطرب شعبي زي حموبيكا وعمر كمال، وبيحبوا يسمعوا أغاني بتاعتنا عشان بنطلع الواحد من المود، أنا مثلًا كحسن شاكوش لما بسمع أغنية لشيرين عبد الوهاب أو كده ببقى عايش مود الأغنية، فبكون حزين.
وأوضح حسن شاكوش: أغاني المهرجانات مكملة، وإحنا لسه هنبتدي في حياتنا ولسه صغيرين، ومفيش واحد فينا عدي الـ 40 أو 35 سنة، وإن شاء الله مكملين في النجاح، والنجاح اللى إحنا قدمناه يشغلنا ويعيشنا 20 سنة قدام، بس إحنا مش آخرنا كده، إحنا عايزين نطّور ونجدد.
اترك تعليق