رئيس مجلس الإدارة
طارق لطفى
رئيس التحرير
أحمد سليمان
- باريس سان جيرمان يفوز بصعوبة علي بريست في الدوري الفرنسي
- ناصر ماهر: أعتذر للتوأم وأتمني العودة لصفوف للمنتخب
- تحت عنوان "المؤامرة المكشوفة".. الديهي يفضح مخططًا "إخوانيًا-إسرائيليًا" لضرب مصر
- معتمد جمال: الزمالك أمامه أسبوع فقط لحسم لقب الكونفيدرالية
- رسميًا.. برشلونة يتوج بطلاً للدوري الإسباني بعد الفوز علي ريال مدريد
سمسم شهاب يبكى على الهواء بسبب موقف له منذ الطفولة
كشف المطرب سمسم شهاب عن حياته الفنية قال: أنا من أسرة بسيطة وبنتمي لصعيد مصر وبالتحديد من محافظة بني سويف، ووالدي كان موظف في شركة حكومية والصعايدة بيحبوا الخلفة لذلك إحنا كنا 16 أخ توفوا تمانية وعاشوا تمانية ومرتب والدي كان بسيط وكنا عايشين حياة صعبة.
وروى سمسم شهاب موقفًا صعبًا خلال لقائه في برنامج "واحد من الناس" مع الإعلامي عمرو الليثي عن طفولته جعله يقرر أن يعمل منذ صغره وهو بالصف الرابع الابتدائي: والدي كان بيتشغل في المصنع ورديات بتتغير كل أسبوع وفي يوم كان بيشتغل وردية من 3 إلى 11 ورجع البيت 11 ونص بليل وكنا في فصل الشتاء وطلب من والدتي أكل قالت له مفيش إلا طبق بصارة وأنا شيلاه للعيال يكلوه الصبح جاب بصلاية وحط عليها ملح وشطة وعيش وكلها.
وأضاف سمسم شهاب باكيًا: الموقف ده كان صعب عليا جدا لأني كنت صغير ووالدي صعب عليا جدًا بس حسيت أنه عظيم وقررت اشتغل، على الرغم من أني كنت بدرس في رابعة ابتدائي ونزلت اشتغل أي حاجة أقدر اتكسب منها رزق بالحلال، وقررت اشتغل كل حاجة وكنت بشيل بلاط، واشتغلت نجار وحداد ونادي على العربيات وما كنتش أقبل أشوف أبويا في الوضع ده، ولكن الأصعب أن أبويا كان بيتخانق معايا لأني بشتغل وقال لي ما تهينش نفسك خاصة أني كنت متفوقا دراسيًا وهو كان شايف فيا حاجة تانية خالص، ولكني ما قدرتش أسيبه ولحد وفاته كنت في كتفه ما سبتوش.
اترك تعليق