يستعد الفنان أحمد أمين لخوض تجربة مسرحية  وصفها بأنها: "مفيهاش ولا كلمة مكتوبة.. وتعاون مع شباب جديد ويعلن عن تفاصيلها قريبا". 

وعن تقديم جزء ثاني من مسلسل الصفارة في رمضان 2024 قال أمين: "مش هعمل جزء ثاني من الصفارة إلا لو لقيت فكرة أقوى لإني مش هعمله بنفس طريقة الجزء الأول.. وغالبا ده مش هيبقى السنة الجاية". 

وعبر أحمد أمين عن استعداده لتقديم جزء ثاني من مسلسل "ما وراء الطبيعة" الذي جسد فيه شخصية دكتور رفعت إسماعيل، وعرض عبر منصة نتفليكس. 

وقال أحمد أمين: " أنا جاهز لقرار الجزء الثاني من "ما وراء الطبيعة" لكنه يرجع لجهة الإنتاج.. والجزء التاني كتابته أحسن بكتر من الجزء الأول مع اختيار القصص وتطور شخصية رفعت إسماعيل اللي هتبدأ في الجزء التاني لإنه كان كئيب في الجزء الأول عشان مكنش مؤمن بالماورائيات". 

وكشف أحمد أمين عدد من الكواليس والتفاصيل عن مسلسل الصفارة، قائلا إنه كان سيقدم على مدار 30 حلقة لكن مع ظهور فكرة 15 حلقة من شركة الإنتاج، قرر فريق العمل تكثيف القصص. 

واستطرد  أمين قائلا: " كان في قصص وشخصيات تانية كتير في مسلسل الصفارة متعملتش منها قصة كنت بصحى ألاقي نفسي في تايلاند وواحدة بصحى ألاقي نفسي متجوز تلاتة". 

وكشف عن أقرب الحلقات والشخصيات إلى قلبه قائلا: " أكتر شخصية حبيتها هي الأب اللي ليه 3 أطفال وكنت حاسس إنها لوحدها ممكن تبقى فيلم ويمكن ده بسبب حبي للعمل مع الأطفال". 

وأشاد أحمد أمين بتجربة العمل مع الفنان أكرم حسني قائلا: "أنا وأكرم لو بصينا لبعض بنفهم بعض.. بيننا عشرة ومحبة ربنا يديمها.. شطارة أكرم وذكائه وثقته في نفسه بيخلوه يجب دايما يتعاون مع اللي شغالين معاه". 

وعبر أحمد أمين عن أمنيته لتقديم شخصية الموسيقار محمد فوزي، الذي يحبه جدا.