رئيس مجلس الإدارة
طارق لطفى
رئيس التحرير
أحمد سليمان
- رئيس التحرير يكتب : آن الأوان .. لإقامة (بورصة القاهرة السياحية)
- مصر تستضيف لأول مرة الحفل الملكي العالمي "The Grand Ball" بقصر عابدين
- القنصل العام لمصر في ميلانو:إقبال كبير من المصريين على انتخابات النواب
- سفير مصر في كندا: إقبال ملحوظ من المصريين على انتخابات مجلس النواب
- رئيس الرقابة المالية: نجاح Startup License يعد نموذجًا للتنظيم الذكي
النجمة إلهام شاهين
مبسوطة جداً لردود الأفعال من أول حلقة.. لمسلسل "الفريدو"
"حاجة تافهة أوي لو ركزت ان اسم العمل يكون علي اسم شخصيتي فيه.. الفكرة ومستوي الكتابة هو الأهم عشان أقبل أقدمه".. كلمات قليلة لخصت بها النجمة إلهام شاهين سر تحمسها لمسلسل "الفريدو" الذي بدأ عرضه هذا الأسبوع علي قناة "on".
وتضيف: علي فكرة "الفريدو" دا اسم الريستوران اللي افتتحه "فريد" ابن اخو "ثريا" وهو حسب السيناريو اسم نوع من أكلات الباستا اتعلمها من عمته اللي ارتبط بيها جداً.. ودا مجرد اسم انما المهم زي ما قلت الحدودتة وتفاصيل كل شخصية مش بس شخصية ثريا اللي بعملها.
المسلسل يشارك في بطولته مع إلهام شاهين كل من أحمد فهمي بطل فرقة "واما" الغنائية وإيمان السيد وأمير شاهين وندي موسي وفتوح أحمد ومحسن صبري وعابد عناني والقصة مأخوذة من كتاب 55 مشكلة حب تأليف الراحل د. مصطفي محمود. كتابة ورشة سيناريو يشرف عليها السيناريست عمرو محمود ياسين. إخراج عصام نصار.
وعن الحلقات القادمة من المسلسل تقول النجمة إلهام شاهين: اكيد مش هاحرق الأحداث عشان تتابعوه وأنا مبسوطة أوي ان رد الفعل هايل جداً من الناس من أول حلقة.. حتي البرومو لما ابتدا يتعرض قبل عرض الحلقات عمل ردود أفعال حلوة والناس بقت تخمن ايه العلاقة بين "سوس أو ثريا" وبين الفريدو وطبعاً عكس التوقعات طلعت عمته وهو أقرب أولاد اخوها بالنسبة ليها واكترهم حنية بسبب ظروفها المرضية.. وهتشوفوا الحلقات الجاية أحداث ومفاجآت كتيرة ويارب توصل رسالة المسلسل للجمهور لان الحب بمعناه الحقيقي قل جداً دلوقتي.
مبسوطة جداً لردود الأفعال من أول حلقة.. لمسلسل
مبسوطة جداً لردود الأفعال من أول حلقة.. لمسلسل
اترك تعليق