رئيس مجلس الإدارة
طارق لطفى
رئيس التحرير
أحمد سليمان
هادي الباجوري: أنا المسؤول عن أخطاء "سفاح الجيزة"
أكد المخرج هادي الباجوري على رفضه للانتقادات الموجهة إلى الفنانة الشابة داليا شوقي والنجم باسم سمرة بطلي مسلسله الأخير سفاح الجيزة وأكد أنه الوحيد الذي يتحمل المسؤولية مشيراً إلى أن كل ما يحدث داخل المسلسل من اختياره كما أكد عن وجود خطة لتقديم جزء جديد من العمل بعد نجاحه.
قال المخرج هادي الباجوري خلال لقائه ببرنامج تفاعلكم: الجمهور بيحب يتفرج على اللي اتعود عليه .. ولما بتدي له حاجة جديدة بياخد فترة علشان يتعود عليه .. ليه باسم سمرة ميبقاش ظابط؟ علشان كان بيعمل أدوار بلطجي؟ وده مالوش دعوة بالموضوع والظابط في مصر اتعودنا عليه في المسلسلات إنه يكون له شكل معين زي أمير كرارة.
وتابع: أنا بحب أخرج عن المألوف وباسم سمرة ممثل شاطر جداً وفي البداية الجمهور كان مخطوف منه وبعد فترة شافوه بيعمل الدور مظبوط وأنا شايف إنه ممثل شاطر جداً أي دور هنديهوله هيعمله مظبوط.
كما رد هادي الباجوري على الانتقادات الموجهة إلى الفنانة الشابة داليا شوقي قائلاً: الجمهور بتاعنا بيبقى ماسك كورباج شوية .. يعنى داليا في أول 4 حلقات كانوا الناس طايرين بيها وشايلينها على دماغهم من فوق .. ولما عملت مشهد حسوا إنها بالغت فيه مسكوا لها كورباج وسكاكين ودبحوها .. مع إن إنت لو اكتشفتي إن جوزك اللي متجوزاه بقالك 4 سنين قاتل 9 وكمان خطف أختك وبيحبها رد فعلك ممكن يكون أي حاجة.
مسلسل سفاح الجيزة شارك فى بطولتة عدد كبير من الفنانين أبرزهم: أحمد فهمي، ركين سعد، صلاح عبد الله، باسم سمرة، داليا شوقي، جيهان الشماشرجي، وآخرون تأليف محمد صلاح العزب ومن إخراج هادي الباجوري.
اترك تعليق