رئيس مجلس الإدارة
طارق لطفى
رئيس التحرير
أحمد سليمان
سارة نخلة تنصح حلا شيحة بالخضوع لعلاج نفسي
صرحت الفنانة سارة نخلة برفضها عودة زميلتها النجمة حلا شيحة لممارسة عملها الفني قبل استراحة لا تقل عن ثلاث سنوات تقضيها تحت إشراف طبيب نفسي لتحدد على وجه الدقة موقفها تجاه الفن.
أوضحت سارة نخلة من خلال برنامجها المذاع عبر قناة هي: حلا إنسانة جميلة جداً .. وعاطفية جداً .. وأنا بحبها جداً .. الناس مش عايزينها ترجع عشان هي فقدت مصداقيتها .. الناس إزاي هتثق فيها .. إزاي المنتج هيجي يديكي ورق ويبقى خايف إنك في نص التصوير تقولي معلش أنا اتحجبت .. لأن انتي كده هتكوني بتضربي أوردر وبتأثري على زمايلك .. ناس كتير قوي علقوا على النقطة دي.
تابعت: أنا نصيحتي لحلا إن أنا كان عندي مشاكل نفسية لجأت لدكتور نفسي وده مش عيب ومش غلط .. أنا بنصحها إن هي تروح لحد تتكلم معاه ممكن يساعدها.
أضافت: أكيد أهلا بعودة حلا شيحة وأكيد أنا بحبها، ولكن مش على طول مش كل ما تقول عايزة أرجع .. هنقول يا أهلا ويا مرحبا ولما تكون عايزة تحلل وتحرم على مزاجها نتجنبها .. قبل ما ترجع للفن لازم تقعد مع نفسها سنة سنتين تلاتة أربعة .. أقل حاجة تفكر مع نفسها مش عشان أنا قلعت الحجاب فعايزة أرجع للفن أشغل نفسي.
اترك تعليق