رئيس مجلس الإدارة
طارق لطفى
رئيس التحرير
أحمد سليمان
النجمة داليا البحيرى: كنت مرعوبة من "شويكار"
الفنانة الراحلة "مفيش زيها".. ولا تقارنونى بها
واستمتع مع "أولاد حريم كريم" أفكار الفيلم حلوة ودمها خفيف
قالت النجمة داليا البحيري أنها فكرت عن الاعتذار عن دورها في المسرحية&Search=" target="_blank">المسرحية الاستعراضية "سيدتي أنا" فى المرحلة النهائية للبروفات واضافت "كنت مرعوبة لما حسيت اننا دخلنا فى الجد وقربنا نعرض المسرحية&Search=" target="_blank">المسرحية وخاصة أنها على المسرح القومى اللى وقف عليه عمالقة المسرح".
وتضيف: الحمدلله اني اعمل مع المخرج محسن رزق لأنه عبقري وكمان ممثل شاطرجدا لدرجة انى سألته ليه مش بتمثل.. هوا اللى ساعدنى وخفف رهبة الوقوف على خشبة المسرح، وخصوصا ان المسرحية&Search=" target="_blank">المسرحية فيها استعراضات كثيرة.. يعنى مرهقة بجد..ولولا دعم زملائي في العرض وأولهم نضال الشافعي ود.فريد النقراشي كنت شعرت أن التجربة صعبة للغاية..
وعن مقارنتها بالفنانة الكبيرة الراحلة شويكار ايقونة مسرحية سيدتى الجميلة تقول النجمة داليا البحيري:
ارجوكم بلاش تقارنونى بالرائعة شويكار..مفيش حد زيها.. النص الأصلي اسمه "بجماليون" اتقدم منه نسخ مسرحية وسينمائية كثيرة فى العالم كله..المسرحية&Search=" target="_blank">المسرحية اللى بنقدمها مأخوذة مباشرة من النص الأصلى والحمد لله المسرح كل ليلة كامل العدد..
وعن تجربة الوقوف على المسرح تقول: الحمدلله كان لي تجربة سابقة مع الصديق العزيز "هانى رمزى" في مسرحية "ابوالعربي" وانا اشهد انه هوا اللى شجعنى على التجربة دى لانه بيحب زمايله جدا وحريص على نجاحهم قبل نجاحه.. وأى حد اشتغل معاه لو سألتوه هيقول نفس كلامى..
واخيرا، عن فيلم "أولاد حريم كريم "تقول النجمة داليا البحيري: مستمتعة بالتصوير جدا مع المخرج على إدريس مخرج النسخة الأولى "حريم كريم" وطبعا المؤلفة زينب عزيز لان افكارها حلوة ودمها خفيف.. وسعيدة بالشغل مع المطرب مصطفى قمر لانه صديق عزيز وكمان وجود بسمة وعلا غانم اللى وحشونى جدا.. بالاضافة لخالد سرحان الذى يجسد شخصية زوجى حسين، كما كنا فى فيلم حريم كريم.. ومعانا مجموعة الشباب تيام مصطفى قمر ورنا رئيس وهنا داوود، ومعانا النجوم عمرو عبدالجليل وبشري.. الفكرة حلوة ويارب تعجب الجمهور خاصة أن الناس كانت دايما كل ما يتعرض فيلم "حريم كريم" تسأل عايزين نعرف حصل ايه لشخصيات الفيلم.
اترك تعليق