رئيس مجلس الإدارة
طارق لطفى
رئيس التحرير
أحمد سليمان
"شوهت سمعتي"..تفاصيل أزمة مصطفى هريدى مع ايناس الدغيدى
أكد مصطفى هريدي، أنإيناس الدغيدي&Search=" target="_blank"> إيناس الدغيدي هي سبب فشل فيلم " مجنون أميرة"، لأنها لم تروج له بالشكل الصحيح، مشيرًا إلى أنها لم تقدمه ولم تهتم به كممثل في أول بطولة عمل له.
وقال مصطفى هريدي خلال لقائه ببرنامج الستات:إيناس الدغيدي&Search=" target="_blank"> إيناس الدغيدي اختارتني من فيلم البيبي دول بعد ما شافتني في العرض الخاص، وكنت رايح لها على أساس إني هقدم دور ومعرفش إنه هيتعرض عليا بطولة الفيلم، والسيناريو كان تأليف مصطفى محرم وكان مكتوب قبل تصوير الفيلم بـ 10 سنين وكان عن قصة الأميرة ديانا، وعجبني الدور ومضيت وبدأت أصور وفرحت بالبطولة المطلقة لأن أي ممثل بيفرح وإيناس الدغيدي ليها اسم برضه.
وأضاف مصطفى هريدي: المشاكل بدأت تحصل بعد ما الفيلم نزل وما عملش حاجة من وجهة نظرها في السنيما، والسبب أن الفيلم ما اتعملوش عرض خاص ولا دعايا واعتمدت على اسمها حتى الأفيشات اللي نزلت عن الفيلم في وشي كان بروفايل واسمي مش مكتوب رغم أني ممثل بتقدمني لأول مرة.
وأوضح مصطفى هريدي: كان وقتها بقى لي سبع سنين في التمثيل يعني مش خبرة بالنسبة لي أني أفهم الحاجات دي، ولكن لما بدأت في المهنة والوسط، عرفت أني ما اتقدمتش بالشكل اللي المفروض تقدم بيه الممثل والنجم لأول مرة لا في الكاست ولا دعايا الفيلم ولا في الاهتمام بيا، والفيلم اتظلم مش مني أنا داخل أعمل دوري والمفروض الشركة المنتجة والمخرجة يقدموني مش أنا اللي شايل المسؤولية ويتقال لي إني أنا سبب فشل الفيلم.
واستكمل مصطفى هريدي: تالت يوم تصوير بلا مبالغة قالت لي أنت مش سينمائي أنت مش عارف حاجة اعمل اللي موجود وأعمل اللي مكتوب ورأيها كان بيمشي وما دتنيش فرصة أعمل حاجة ولا طلعت مني حاجة وقالت لي أنت مش بتاعي أنت بتاع السبكي في اللوكيشن وقدام الناس، يعني أنا كمخرجة بتعامل مع ممثل بشكل معين ومش أنت الممثل اللي أنا عاوزاه، وبعد ما نزل الفيلم والإيرادات ما كنتش بالشكل اللي كانت متوقعاه قالت أني أنا السبب.
اترك تعليق