رئيس مجلس الإدارة
طارق لطفى
رئيس التحرير
أحمد سليمان
مطبخ صابرين في رمضان
الإفطار..خرشوف بالبشاميل وسلطة الفراخ..والحلو كريم كراميل البطاطا
سفرة رمضان اليوم مقدمة من الشيف مروة أمارة
* خرشوف بالبشاميل
المكونات:
خرشوف
لحمة مفرومة معصجة
بشاميل
ميكس جبن "شيدر. موتزريلا"
البشاميل:
ملعقة كبيرة دقيق
ملعقة كبيرة زبدة
مج لبن كبير
ملح وفلفل
الطريقة:
نسلق الخرشوف في ماء مغلي فيها ملح وعصرة ليمون حوالي نصف ساعة تقريبا حسب حجمه وحسب نوعه فريش ولا فروزن ونصفي
تحضير البشاميل:
في حلة نقلب اللبن والدقيق علي البارد لحد ما الدقيق يختفي ثم نرفعه علي النار مع التقليب المستمر حتي يتماسك ونضيف الزبدة والملح والفلفل ونقلب ونطفي ثم نحضر بايركس أو طاجن ونرص الخرشوف ونوزع عليه اللحمة المعصجة والبشاميل ونغطي الوجه بالجبن.
التسوية:
ندخل الطاجن فرن سخن علي درجة حرارة 200 ونشعل الشواية حتي ياخد لون وبالهنا.
* طاجن كوسة باللحمة المفرومة
المكونات:
كيلو كوسة مقشرة ومقطعة حلقات
نصف كيلو لحمة مفرومة
بصلة كبيرة مربعات
عصير طماطم متصفي
ملعقة كبيرة صلصة
ملح وفلفل وبهارات
نعناع مجفف
سمنة وزيت
الطريقة:
في حلة علي النار نضع سمنة وزيت ونضيف الكوسة نشوحها مع رشة نعناع و لما تاخد لون خفيف نضعها في الطاجن ثم نضيف البصل ونقلبه حتي ياخد لون دهبي ونضيف اللحمة المفرومة وملح وفلفل وبهارات ولما تنضج نضيف الصلصة وعصير الطماطم ونتركها تتسبك قليلا ونضعها فوق الكوسة مع رشة نعناع ونغطي الطاجن وندخله فرن ساخن علي درجة حراره 200 يكمل تسوية ونشعل الشواية آخر خمس دقائق حتي يتحمر وتقدم مع الأرز.
* سلطة الفراخ
المكونات: فراخ قطع مشوية
كابوتشا. فاصوليا حمرا
ذرة صفرا. فلفل ألوان. جزر
بصل. شبت
تتبيلة الفراخ:
صويا صوص. دبس رمان. عسل أسود
ليمون. ملح وفلفل. بابريكا. زنجبيل. كسبرة
الدريسينج:
زيت. ليمون. خل
ملح وفلفل. سماق. دبس رمان
الطريقة:
نتبل الفراخ ونتركها لمدة ساعتين في التتبيلة ونشويها علي الجريل.
نقلب الدريسينج ونوزعه علي الخضار ونقدم عليه الفراخ ونزين بتوست محمص بالثوم.
* كريم كراميل البطاطا
بطريقتين بالكريم كراميل الجاهز والبيتي
أولاً: بالكريم كراميل الجاهز:
كيلو بطاطا
2 باكيت كريم كراميل ولتر لبن
تسوية البطاطا بطريقتين:
نقشر البطاطا ونقطعها حلقات ونضعها في حلة علي النار مع ملعقتين كبار سكر ونصف كوب ماء ونتركها تستوي جيدًا ثم نهرسها ونتركها تبرد.
الطريقة:
نضع البطاطا في الخلاط مع اللبن وبودرة الكريم كراميل ونضربهم ونضعها في حلة علي النار مع التقليب حتي الغليان ثم نحضر قالب نوزع فيه الكراميل ونضيف عليه الخليط ونتركه ليبرد تمامًا وندخله الثلاجة لمدة ساعتين علي الأقل ونقلبه علي طبق التقديم.
ثانيًا: بالكريم كراميل البيتي:
لتر لبن
4 بيضات + فانيليا
نصف كوب سكر
كيلو بطاطا
للكراميل:
نصف كوب سكر
الطريقة:
نضع السكر في طاسة علي النار ونتركه لما يتكرمل ونوزعه علي طول في القالب.
نضرب اللبن والبيض والبطاطا والسكر في الخلاط وننزلهم في القالب علي الكراميل ونضع القالب في صينية فيها ماء ساخن وندخله الفرن علي درجة حراره 180 لمدة ساعة حتي يتماسك ونتركه يبرد وندخله الثلاجة لمدة ساعتين ونقلبه في طبق التقديم وبالهنا.
اترك تعليق