رئيس مجلس الإدارة
طارق لطفى
رئيس التحرير
أحمد سليمان
ذكرياتهم .. فى رمضان
فيروز عابدين الواعظة بوزارة الأوقاف:أحتفظ بالفوانيس الصاج والزجاج
رمضان هل هلالك يا رمضان.. شهر الفرحة ولمة الأسرة على الإفطار والسحور فى مواعيد يومية لا تتغير.. شهر له جماله وطقوسه وعاداته.. ليلة الرؤية.. أول سحور.. فانوس رمضان.. تقاليد لا تجدها إلا فى مصر.. فرمضان فى مصر حاجة تانية.. والسر فى التفاصيل.. رمضان فى مصر.. غير الدنيا.. "المساء" طوال الشهر الكريم تستدعى معك ملامح رمضان زمان بذكرياته الجميلة المحفورة فى الوجدان لنعيش معا رمضان زمان وحلاوة أيامه ولياليه.
الداعية فيروز عابدين الواعظة بوزارة الأوقاف تستدعى معنا ذكرياتها مع الشهر الكريم وخاصة فى المحلة بمحافظة الغربية التى شهدت مولدها وطفولتها وشبابها قائلة:
طقوس رمضان فى الغربية لم تختلف كثيرا عن عادات وتقاليد بقية المحافظات من الحرص على الفطور فى بيت العائلة أول يوم من رمضان.. من الاستعداد لقدومه بالزينة والفوانيس فى الشوارع والبيوت واحنا مازال عندنا الفوانيس الصاج والزجاج بجانب الفوانيس الحديثة اللى فى شكل عرايس ودمى.
كمان بعض الناس هنا حريصة على أداء التراويح فى المساجد.. كمان بعض المساجد هنا يتقيم ليالى رمضانية وفيها التواشيح والابتهالات.. كنت بسمع زمان من جدتى ان الولاد لما بيسمعوا رؤية المفتى بيمشوا فى الشوارع ويغنوا ويخبطوا على شئ يصدر صوت زى الصفيح كدة وإن الأطفال "يحووا على البيوت" وعندما سألتها عن المعنى قالت لى يمروا على البيوت بيت بيت ويقموا أدونا العادة الله يخليكم .. وهكذا.
اترك تعليق