رئيس مجلس الإدارة
طارق لطفى
رئيس التحرير
أحمد سليمان
" أنا مش تمام "
بقلم _ أحمد خميس غلوش
يا اللّى كُلّك طازة سكّر
حلّى يومى ع الدّوام
يا امّ نظرة جامدة جدًّا
قوّى عينى عَ الكلام
ندهتك بترُجّ رُوحى
زَلزِلِى أكتر يارُوحى
غمزتك أطعم صباح
دُوقى شوقى ياضُوء شروقى
فجر يِدَّن من عُروقى
اندهى كلّ الكلام
من مشاعرى لفين تُرُوحى
نظرتك شبّاك وُضوحى
اِرمِى لِى أجمل سلام
ندهتك بترُجّ رُوحى
زَلزِلِى أكتر يارُوحى
غمزتك أطعم صباح
يا اللّى كُلّك طازة سكّر
حلّى يومى ع الدّوام
يا امّ نظرة جامدة واكتر
قوّى عينى ع الكلام
نَدهِتِك بترُجّ رُوحى
زَلزِلِى أكتر يارُوحى
زعّلِى كُلّ الجِراح
َنزِّلِى الضّحكَة وبُوحِى
لَحن طِير سهران فِ دُوحى
قلبى عطشان للصّباح
علّمينى يا شاطرة حبّة
وزوديلى م المحبّة
كمّلى لروحى العلام
كمّلينى .. نوّرينى
اِحيِى لِيْلِىْ مُش هنام
على خدّى طُلِّى .. شمسى و ضِلّى
أنا إيه حصلّى .. أنا مُش تمام
يا اللّى كُلّك طازة سكّر
شوفى كلّ الكون ده واكتر
ياللّى عندك ضِحكَة خام
انتى عندى .. تِساوِى كام ؟!
اترك تعليق