رئيس مجلس الإدارة
طارق لطفى
رئيس التحرير
أحمد سليمان
أبرز تصريحات رحاب الجمل مع ياسمين عز" أنا في البيت مهزقة وهبلة "
حلت الفنانة رحاب الجمل ضيفة على برنامج كلام الناس مع الاعلامية ياسمين عز،واطلقت العديد من التصريحات التى كانت حديث السويشيال ميديا.
وقالت الفنانة رحاب الجمل عن حماتها قائلة: أنا بحب حماتي جدًا كتير، حب على قد طيبتها واحترامها وحنيتها وأدبها وكلاس، وفيه أدب وشياكة ورقي، وأنت بتختاري الزوج لو مالوش خير في أم أبوه أوعي تفرحي دي مش شطارة لأنك مش هتكوني أغلى عنه منهم ما تتحشريش في اللي ما يخصكيش لأن مملكتك بيتك، ده ما يخصكيش خالص وده شفناه في أمهتنا وأجدادنا، وما تدخليش في اللي مالكيش فيه، لو ركزتي في حياتك هتتهني وتتبسطي.
وكشفت رحاب عن نصيحة حماتها لها، فى عزقائلة: لو اتخانفت مع جوزي حماتي بتقول بلاش أتدخل لأن أي تالت بين الزوجين غير مفيد، فخلوها بتاعتكم لوحدكم، ولما الخلاف يخلص بين الطرفين بيدوب بسرعة، وتنتهي، لأن ده في النفس البشرية وأنا عملت بنصيحتها.
قالت الاعلامية ياسمين عز خلال حلقتها مع الفنانة رحاب الجمل: اللي يشوفك يفتكر أنك قوية وجامدة وتمشي كلمتك، لكن أنت أنثى وناعمة وست بيت شاطرة.
وردت الجمل فى برنامج كلام الناس :إن شخصيتها مختلفة عن الأدوار التي تقدمها، معلقة: أنا عندي شخصية بره البيت، لكن في البيت فيه تفاهم، لأن الأسرة والعيلة هي المكان اللي بتكوني ريلكس فيه ومرتاحة وقالعة الماسك، وأنا الحمد لله مرتاحة، وكتير بيفكروا أني صارمة وشخصيتي قوية، لكن بالعكس أنا في البيت مهزقة وهبلة أوي وتافهة وبلعب وأهزر، ومش بعدي حاجة إلا ولازم أتريق.
اترك تعليق