حل الفنان  رمضان&Search=" target="_blank">محمد رمضان، ضيفا من خلال برنامج "معكم" التى تقدمه الإعلامية منى الشاذلى ، للإحتفال برأسة السنة ، ورد على العديد من القضايا ،التى كانت تشغل الرأى العام .

قال رمضان خلال لقائه فى برنامج معكم مع الإعلامية منى الشاذلي: عملت عبده موتة كان عندي 24 سنة، لو رجع بيا الزمن مستحيل أعمله بنفس الشكل، لأن عقلي بقى أنضج وبقى عندي رؤية أشمل، وتفاصيل أكتر".

واضاف رمضان : " لكن أنا ما كنتش متوقع أن هيشوفوه كم الناس دي وهيكسر السينما، والسينمات تفضل شغالة 24 ساعة على الفيلم، وبعد يومين من عرضه، السينمات اللي كانت رافضة تاخدوا يطلبوا ياخدوه علشان فيه إقبال كبير".

وتابع رمضان :"أنا عارف أن جمهور كبير بيشوفني وبدخل بيوت ناس وبشكل جيل بأثر في جيل، ولو رجع بيا الزمن كنت هعمل نفس القصة بطريقة تانية ويبدو حسن النية في نهاية الفيلم لأن عبده موتة أتعدم صغير وما طلعتوش منتصر".

حيث تحدث الفنان رمضان&Search=" target="_blank">محمد رمضان عن بدايات رحلة كفاحه للحصول على فرصة للتمثيل الاحترافي، بعد حصوله على المركز الأول كأفضل ممثل موهوب في الصف الأول الثانوي.

واضاف رمضان :أن فكرته عن وسط البلد كانت مختلفة عن المشهد الذي قابله معلقا: "كنت فاكر وسط البلد مكان صغير فيه الوسط الفني، وفي خيالي إني هنزل من الأوتوبيس ألاقي حسين فهمي ماشي في الطريق".

وتابع رمضان : "بدأت أدخل كل عمارة وأسال البوابين على مكتب مخرج أو منتج، ولما أتعب أروح وأكمل باقي العمارات في اليوم اللي بعده، وأول منتج دلوني عليه طلع منتج شرايط كاسيت، وعرفت منه إني لازم أروح ميدان التوفيقية، وهناك هلاقي مكتب السيد راضي ومحمد مختار والوسط الفني

 وأكد "رمضان"طموحي كان سريع وأكبر من مسرح المدرسة، وكان لازم أبقي مع المحترفين، فسألت مخرج المدرسة ونصحني أنزل وسط البلد، وفعلا نفذت كلامه بعد المدرسة".

فجر الفنان رمضان&Search=" target="_blank">محمد رمضان ، تفاصيل عن أزمته الشهيرة مع الطيار الراحل أشرف أبو اليسر، وعن انتقادات ضده وخاصا بعد رحيله .

واكد : أنا زعلان أني تسببت في شيء قاسي للطيار أشرف أبو اليسر، وسعيد أني في هذا الجمع، وبطلب منهم الدعوة له بالرحمة النهارده، أنا بعترف أن أحيانًا كتير مش بنعرف ندير أزماتنا بشكل سليم، وتفاجأت بهذا القرار القاسي والإيقاف مدى الحياة".

واضاف رمضان: وفيما بعد عرفت أنه شيء قانوني ممنوع، أنا ما أعرفش قانون الطيران وكنت أتمنى يكون القرار أخف، لو كان اتجازى أنا كنت جاهز وحاولت بكل الطرق أني أحل الموضوع قبل ما يبقى قضية رأي عام وما حصلش نصيب، لكن اللي زعلني شخصيًا تم تقديمه من خلال الإعلام أني السبب في شيء صعب زي ده، لأني الأعمار بيد الله والوفاة حصلت بعد ما كسب القضية بالفعل.
وتابع رمضان: القضاء أنصف الله يرحمه، وحكموا عليا بتعويضه مبلغ مالي وأنا بكل التسامح والرضا وصلت المبلغ لأسرة الطيار، واحنا في بلد عادلة وفي قضاء عادل وأنا راضي أنه اتحكم عليا ودفعت المبلغ بكل الحب والرضا والتسامح، لكن المبلغ ما عوضوش أنه يتوقف مدى الحياة.

كشف الفنان رمضان&Search=" target="_blank">محمد رمضان، عن الصورة التى تداولت بظهوره مع مشاهير إسرائيليين في دبي، والتي تسببت له للانتقادات لاذعة، وأيضًا تم اتهامه بالتطبيع، التحقيق معه فى نقابة الموسيقيين.

لما أنا دخلت الاستديو فيه كم ناس اتصورت معاهم بود وحب وحاسس أنهم شركاء في نجاحي، ولنفترض أن فيهم شخص إسرائيلي أنا هعرف منين، هما نفس الشكل، وأنا ما أقدرش أحرج قطاع كبير من جمهوري بقابله بود وحب ويجوز فيهم شخص قاتل، ولسه ما أتمسكش، أو بينتمي لشيء أنا ضده، علشان كده أنا استغربت.

واضاف رمضان : ووقتها كنت في عشاء في مطعم وأتصورت مع ناس كتير بتلقائية والموضوع بقى ضخم وأصبح رأي عام، وضحكت لما لقيت صور لناس كتير ممثلين متصورين مع إسرائيليين والبعض قال اشمعنى رمضان&Search=" target="_blank">محمد رمضان.
واستكمل رمضان : وأنا ما أتوقفتش من النقابة لكن كان تحقيق والحمد لله عمر ما تم إيقافي ما حصلش ولا مرة وتقلبت التحقيق بصدر رحب، وقعدت معاهم وقلت لهم الإيجابات الحقيقية وعملت مسلسل في نفس السنة، ولما كلمت النقابة ضحكت وقلت لهم هل أنا كل شخص بتصور معاه هسأله أنت مين ولا بلدك إيه أنا بتصور مع الآلاف ما أقدرش أعرف انتماءاتهم وجنسيتهم ودينهم.

وعن ملابسة أكد "رمضان "   أنه يرتدي ما يناسب الحدث، بينما في حياته العادية يرتدي مثل أي شاب في سنه، قائلا: اللبس الغريب ده في الحفلات بيبقى جزء من الشو والبهرجة الزيادة.. إنما في الحياة العادية لبسي بسيط وشبه لبس كل الشباب.