رئيس مجلس الإدارة
طارق لطفى
رئيس التحرير
أحمد سليمان
سهير جودة تعلق على الحالة الإقتصادية بالعالم: "لازم نكون أكثر رحمة"
حرصت الإعلامية سهير جودة، على التعليق على الحالة الإقتصادية التي يمر بها العالم، حيث أن الجميع يمر بظروف صعبة للغاية، قائلة: "الأزمة الإقتصادية وانعكاسها اجتماعيا، كأن كل واحد حاطط ايده في جيب التاني، طب احنا كدة بنستنزف بعض، وبنستهلك بعض، جشع التجار وفكرة المغالاة في الأسعار أو العشوائية للي بتحصل في الأسعار من مكان لآخر ومن تاجر للثاني، كل واحد بيتعامل بطريقة عجيبة جدا ومربكة، مفيش داعي لأن القصة علينا جميعا، فككل واحد بيحاول يتشطر على الثاني طب وبعدين، دي مرحلة اللي لازم نكون فيها أكثر رحمة على بعض".
وأضافت سهير في برنامجها الذي يحمل اسم الستات والمذاع عبر فضائية النهار، قائلة: "كل واحد بيحط سعر للدولار على حسب تصوره الشخصي، في ناس تقول أن الدولار بـ45 جنيه، وناس تسعر السلع باعتبار الدولار بـ65 جنيه، الأزمة على الجميع، فنرحم بعض ونبقى أكثر إنسانية ببعضنا، ومنعملش مغالاة بالشكل دة، ومنفرطش في التشاؤوم".
واختتمت سهير: "زمان كنا بنعمل كل حاجة في البيت، زي المربى والجبن، وبنخزن الخضار، كان عندنا عادات اقتصادية حلوة جدا نسيناها وأصبحت كل عاداتنا استهلاكية، فلازم نرجع تاني تبقى الحياة بشكلها الطبيعي، دي فترة مرهقة بلاش نرهق فيها بعض".
اترك تعليق