قضت محكمة جنابـات المنيا حضورياً بمعاقبة المتهم محمد.ا.م صاحب شركة مقاولات  بالحبس مع الشغل لمدة سنه وبمصادرة المحررين  والزامه بدفع المصاريف الجنائية

صدر الحكم برئاسة المستشار حسن علي حسن  و عضويه  المستشارين محمد عبدالحميد قطب و شريف حسني الشافعي   وبحضور باسل حسام وكيل النيابــة وبامانة سر علي محمود  العسلي

كان اللواء محمد ضبش حكمدار جنوب المنيا تلقي إخطارا من العقيد محمود مشهور مأمور قسم شرطة المنيا يفيد تبلغ من مسىىؤلى البنك الاهلى فرع المنيا تقدم أحد الأشخاص لصرف شيك بنكى  بمبلغ ٥٠ الف جنيه من حساب أحد العملاء وتبين أن الشيك مزور و غير صادر من البنك وخالى من العملات التامينية المعتادة

اكدت التحريات الأولية للعميد ايهاب زكريا مدير الإدارة العامة لمكافحة جرائم الأموال العامة بمنطقة شمال الصعيد  بإجراء التحريات أسفرت عن قيام  ياسر عبد المنعم محمود عبوده  ٤٧سنه حاصل علي دبلوم تجارة ومقيم طحا الأعمدة تقدم بشيك بمبلغ ٥٠ ألف جنيه تقدم لصرفه  من حساب أحد العملاء بالبنك الأهلى وتبين أن الشيك مزور و غير صادر من مطبوعات البنك الأهلى المصرى

كما أشارت التحريات أن المذكور حسن النية ولا يعلم كون الشيك مزور وتحصل علي ذلك الشيك من شخص يدعي عبد الحميد.ع.ع.   حاصل علي دبلوم صناعه ومقيم قرية زهرة مركز المنيا

بالكشف الجنائي عن  عبد الحميد .ع.ع تبين سابقة اتهامه في القضية رقم ۲۰۰۹/۱۸۲۱ جنح قسم المنيا ( آداب عامة ) .

كان المستشار أبو الوفا عيسى المحامى العام الأول لنيابات جنوب المنيا أحال المتهم محمد.ا.م.ع ٣٣سنه صاحب شركة مقاولات بالمنيا الجديدة إلى محكمة الجنايات  فى القضية رقم ٢٦٥٧٤ لسنة ٢١٠١ جنايات قسم المنيا والمقيدة برقم ٣٠١٢ لسنة ٢٠٢١كلى جنايات جنوب المنيا وهو ليس من ارباب الوظائف العمومية ارتكب تزويرا فى محرر احدى الشركات المساهمة المملوكة للدولة البنك الأهلى المصرى فرع المنيا وهما عدد اثنين شيك بنكى لحاملها ، بأن اصطنعها  بالكامل على غرارالمحررات الصحيحة الصادرة عن البنك أنف البيان ونسبها زوراً لحساب لاحد عملاء البنك حسن النية وذلك على النحو المبين بالتحقيقات 

استعمل المحررين المزورين انفى البيان وهو يعلم بتزويرهما وذلك فيما زورا من اجله بان قدمها لاحد المتعاملين معه  حسن النية  وفائاً لدين عليه والذى تقدم باحدهما للبنك أنف البيان لصرفه وذلك على النحو المبين بالتحقيقات.

شهد مسئول البنك الاهلى فى تحقيقات النيابة انه بفحص الشيك  تبين انه غير صادر علي مطبوعات البنك الأهلي المصري وخالي من العلامات التأمينية المعتاد تواجدهان علي الشيكات الصادرة من البنك مع وجود اختلاف في رقم الحساب المطبوع علي الشيك مع إسم الصاحب حيث أن رقم الحساب المدون علي الشيك لا يخص  مختار أحمد سيد عبد اللطيف وكذا عدم تتطابق التوقيعات مع صاحب الحساب 

 قال ياسر عبد المنعم محمود عبوده  ٤٤ سنه سائق ومقيم طحا الاعمده مركز سمالوط غرب فى تحقيقات النيابة اللى حصل ان قريبي عبد الحميد ع.ع. شغال في جهاز المنيا الجديده ويعرف واحد مقاول اسمه محمد .ا.م. فعرفني عليه وكنت بروح مشاوير بالتاكسي معه وفى يوم عبد الحميد  قالي ان المقاول ده يقدر يعين حد في شركة المياه فانا جبتله ابن عمى عشان يعينه واديت لعبد الحميد ٥٠ ألف جنيه وبعدين لقيته بيلف ويدور ومش راضي يدينى الفلوس فقالى عبد الحميد  ان محمد .ا.م ادله شيكين كل شيك ٥٠ الف جنيه وبعدين عبد الحميد ادانى شيك منهم مقابل الفلوس اللي ليا أنا وابن عمى وأنا أخذت الشيك وكان لحامله ورقم الشيك  ٤۳۱۷۰۰۰۰٤٠٧٥٨ من حساب احد العملاء بفرع راس غارب بالبحر الأحمر حساب رقم ٣٤٣٣٠٧٠٩١٣٣٤٤٠٠١٠١٨ . 

ورحت بحسن نية  البنك الاهلى فرع المنيا  ودخلت اديتهم البطاقة والشيك وانتظرت في البنك وبعدين فضلت قاعد ونائب المدير  جاب  امناء شرطه من مباحث الأموال العامة كانوا موجودين واخدوني معاهم المباحث وانا حكيت للضابط على اللى حصل ووريته صور الشيكات على الواتس اب التي كان بعتهالي عبد الحميد وبعدين جابوني النيابة وبعد كده رجعوني المباحث ثاني وجابوني النهارده تاني وده اللى حصل معايا

قال عبد الحميد.ع.ع.  ٣٤ سنه موظف بجهاز المنيا الجديدة مقيم تلة فى تحقيقات النيابة اللي حصل ان  محمد.ا.م.   صاحب شركة مقاولات بالمنيا الجديدة وهو بيتردد علي الشغل عندي وقولتله فيه واحد عاوز يشتغل فقالي ممكن يشتغل في شركة المياه والصرف الصحي وهاخد ٥٠ الف جنيه علي الواحد وروحت قولت لياسر عبد المنعم محمود علي الكلام دة فراح بلغ اسلام خلف حسن وانا اتصلت باحمد صلاح علون وقولتلهم  علي الموضوع فوافق وروحنا كلنا وقعدنا معاه واسلام واحمد صلاح اداله كل واحد ٥٠ الف جنية وبعد كدة عدت فترة كبيرة ومشغلش حد فراح اسلام واحمد صلاح بلغوني انهم عاوزين الفلوس فروحت كلمته وقولتله عاوزين الفلوس يا تشغلهم فراح قالي هديهم شيكين بالمبلغ وقولتله ماشي وروحت اتقابلت معاه واخدت منه الشيكين واديت شيك منهم لياسر علشان يصرفه والشيك التاني سبته معايا وبعد كدة عرفت ان ياسر اتمسك في البنك وهو دة كل اللي حصل

فاصدرت المحكمة حكمها المتقدم في القضية