مَصر دِى أُمِّنا

رئيس مجلس الإدارة

طارق لطفى

رئيس التحرير

عاجل

بقلم الدكتور- نبيل عبدافتاح قوطه:

مدرس القانون الدولى العام
كلية القانون-جامعة بدر بالقاهرة
مَصر دِى أُمِّنا
نِفديها بروحنا ودمِّنا

وإن دعتنا فى يوم
نِلَبِّى النِدا بقلبنا

من نِيلِك شِربنا
وجرِى خيره فى دَمِّنا

ومنين نروح نفتخر
ونقول ياناس مين زَيِّنا

دِى مَصر دِى عِزِّنا
والكُلّ حابب أرضنا

وان جوم ضيوف عندنا
ما يرضوا يفارقوا حَيِّنا

فيها الحنان والدفا
ولمَّة حلوة تضمِّنا

فيها الآذان والصلا
وصلاة الجمعة تلمِّنا

وخطيب الجمعة يقولِّنا
حب الوطن مطلوب منِّنا

وإذا فى يوم طاله العدا
ومفيش سلاح عندنا

هانحارْبه بإيدنا ورِجلِنا
حتى تفيض الروح منِّنا

المهم كرامة مَصرنا
نصونها طول عمرنا

ومَصر دِى أُمِّنا
نِفديها بروحنا ودَمِّنا