بقلم: محمد عاشور
الأتوبيس ممتلئ عن أخره بالناس ورغم ذلك ما ذال يتوقف كالعادة ليركب فيه الناس الذين يتحدثون دون أن يعرفوا بعضهم أو حتى يلتفت أحدهم للآخر !_x000D_ راكب : ( في ضيق ) الأتوبيس زحمة كده ليه ._x000D_ أخر : ( في فتور ) ما هو طول عمره زحمة ._x000D_ ثالث : تتصور ... كيلو اللحمة بقى بستين جنيه ._x000D_ رابع : ياه .. هي علت للدرجة دي ؟ أنا أخر مرة اشتريتها كان من ثلاث سنين_x000D_ _x000D_ نار ... نار_x000D_ : طب عمرك سمعت إن التوم وصل عشرة جنيه ؟_x000D_ : بلاش تأكل توم_x000D_ : دا بيقولوا إن الصين صدرت لينا توم_x000D_ : حتى التوم .. يادي الصين ._x000D_ : دا إحنا لسه ما خلصناش من الفانوس ._x000D_ _x000D_ نار ....نار_x000D_ : أخبار ... أهرام ... جمهورية_x000D_ : بكام الجرنان يابني ؟_x000D_ : بجنية ونص_x000D_ : بجنية ونص ! .. دا أنا كنت بشتريه بقرش ومكناش لاقين القرش._x000D_ _x000D_ نار ....نار_x000D_ : ولا نص رغيف الفول أبو جنيه_x000D_ : القدرة زمان كان ممكن تشتريها بريال_x000D_ : دلوقت لو إديت له ريال علشان تبوس القدرة حيرميه في وشك ._x000D_ : تذاكر .. تذاكر ... تذاكر يا ساده تذاكر_x000D_ : بكام التذكرة يا خويا ؟_x000D_ : بجنيه يا ستي_x000D_ : بجنيه ليه ؟ هي سرقة ولا سرقة !_x000D_ دانا كنت بنلف مصر كلها بتعريفه ._x000D_ : ياستي إنتوا كان على زمانكم جوز الحمام تلات حمامات ._x000D_ : هو مفيش غير نص ريال أنا والواد دهه ._x000D_ نص ريال إيه ياست ... هو ده كمان فيه فصال_x000D_ : ياسيدي مالكش دعوه بأمي ... خليك معايا أنا ..._x000D_ يامه إسكتي الله يرضى عليكي .. خذ يا سيدي إثنين جنية أهم ._x000D_ : قال جنيه قال ..دا أنا كنت بنتسوق بالجنية أكل الأسبوع كله .. ويفضل منه فلوس كمان ._x000D_ _x000D_ نار .....نار_x000D_ : وسع يا كابتن من ورايا لو سمحت ._x000D_ : أنا جيت جنبك يا مدام ؟_x000D_ : أف .. إيه قلة الأدب دي ؟_x000D_ _x000D_ نار ........نار_x000D_ : سمعت أخر كلام عن الثانوية العامة ._x000D_ بيقول إنها ....._x000D_ : ياعم كبر دماغك .. ثانوية إيه وبتاع إيه .. إحنا خدنا إيه من التعليم ._x000D_ دا زمان الكمسري ده واخد دكتوراه ._x000D_ بص للكمسري وشوف عامل ازاي ._x000D_ ضحكات .هه .هه .هه_x000D_ : محدش له دخل بالكمسري .. ولعلمك أنا معايا كلية تجارة قسم إدارة إعمال ._x000D_ : وإيه اللي جابك هنا ؟_x000D_ _x000D_ نار ......نار_x000D_ : سمعت النشرة النهار ده ... فيه عشرين عسكري أمريكي ماتوا في .._x000D_ : يا عم .. بكره يبعتوا بدالهم ألفين ._x000D_ يعني عند أمريكا اللي جاي أكثر من اللي رايح_x000D_ نار .....نار_x000D_ : شفت الماتش إمبارح .. شفت الأهلي عمل إيه ؟_x000D_ : أحسن حاجه اليومين دول لعب الكورة_x000D_ : ولا التمثيل_x000D_ : آه.. التمثيل ! !_x000D_ _x000D_ نار ... نار_x000D_ : حمصيه .. سمسميه ... جوزة الهند .. حمصيا !!! ._x000D_ : يا ماما أنا عايز واحدة_x000D_ : بكام ياخويا الواحدة ؟_x000D_ : بجنية .. بجنية .. بجنية . جدي كان بيعمل بيه ._x000D_ : ليه يا عم بجنيه ليه ؟ .. دا أنا جايباها الشهر اللي فات بنص ._x000D_ : دا كان الشهر اللي فات يا ست .. كل جاجه غلت_x000D_ نار ........نار_x000D_ : ماعدش رخيص إلا البني أدم وهو حي ._x000D_ نار.....نار