sec
x
رئيس مجلس الإدارة
رئيس التحرير
شعر- نورهان حسان
سبحان من صبر قلبي عليه
يمكر معاليه يخسف بدري
من بدري انا تايهه ما بين أراضيه
يجرح وأراضيه
يبدر ف الشوك يقطف وردي
ومسايسه الدنيا بعز وجاه
اقسم بالله
الدقه المكبوته ف قلبي
ملتوته ليالي وبتخبي
منابي ف حيرتي وتار شردي
من مر دواه
واهو هان ولا لان ولا آن له اوان
يطرح دستور قلبه بسردي
بعدين وياه ليه بيخاطر ؟؟!!!
بسنين م الحرقة الولاده
لا مر ببال ولا طال خاطر
حنين م الفرقه القياده
وانا كالعاده
مادقتش غير كسرة خاطر
والقهوه الفايره تدوم ساده
ب ينطط جن جنون قردي
وعهد الله وبلاها غرور
حبرك ف سطور يلهم مسحور
يصوم لي ليالي مايدوق لي سحور
معشوق والعاشق نور سيرتي
يكويه الكبر
والصمت يسير في النص قرار
شيلاه اعذار
درويشه ل توب الهوى عاصيه
بتخرج م الكدر
سبحان من صور يابني هواك
بتقول اهواك وتغني ليلاتي
في سيره الحب
وتصب كاسات الهوى موال
وربابه تجيب ريس متقال
ماهو درب محال
والخال هبصلي صلاه غائب
على قلب اتقلع منه الجدر
بحجر صوان
وبينا رهان علي اللي يحن
ويزن وراه سلسال دامع
يترجى الغدر
وان كان علي قلبي ياسيدي احن
هيكن الوفا لو كان لامع
ويسن سنان أعتاب الهجر
ولا مين شواف ولا مين سامع
وتفوت بسلام في امان الله
ميت قله وراه.
بر كه ياجامع
واكفر ذنب عصاك بالندر
اترك تعليق