بقلم: محمد على عاشور
الأتوبيس ممتلئ عن آخره بالناس ورغم ذلك ما ذال يتوقف كالعادة ليركب فيه الناس الذين يتحدثون دون أن يعرفوا بعضهم أو حتى يلتفت أحدهم للآخر ! راكب : ( في ضيق) الأتوبيس زحمة كده ليه . أخر : ( في فتور ) ما هو طول عمره زحمة . ثالث : تتصور ... كيلو اللحمة بقى بستين جنيه . رابع : ياه .. هي علت للدرجة دي ؟ أنا أخر مرة اشتريتها كان من ثلاث سنين نار ... نار : طب عمرك سمعت إن التوم وصل عشرة جنيه ؟ : بلاش تأكل توم : دا بيقولوا إن الصين صدرت لينا توم : حتى التوم .. يادي الصين . : دا إحنا لسه ما خلصناش من الفانوس . نار ....نار : أخبار ... أهرام ... جمهورية : بكام الجرنان يابني ؟ : بجنية ونص : بجنية ونص ! .. دا أنا كنت بشتريه بقرش ومكناش لاقين القرش. نار ....نار : ولا نص رغيف الفول أبو جنيه : القدرة زمان كان ممكن تشتريها بريال : دلوقت لو إديت له ريال علشان تبوس القدرة حيرميه في وشك . : تذاكر .. تذاكر ... تذاكر يا ساده تذاكر : بكام التذكرة يا خويا ؟ : بجنيه يا ستي : بجنيه ليه ؟ هي سرقة ولا سرقة ! دانا كنت بنلف مصر كلها بتعريفه . : ياستي إنتوا كان على زمانكم جوز الحمام تلات حمامات . : هو مفيش غير نص ريال أنا والواد دهه . نص ريال إيه ياست ... هو ده كمان فيه فصال : ياسيدي مالكش دعوه بأمي ... خليك معايا أنا ... يامه إسكتي الله يرضى عليكي .. خذ يا سيدي إثنين جنيه أهم . : قال جنيه قال ..دا أنا كنت بنتسوق بالجنية أكل الأسبوع كله .. ويفضل منه فلوس كمان . نار .....نار : وسع يا كابتن من ورايا لو سمحت . : أنا جيت جنبك يا مدام ؟ : أف .. إيه قلة الأدب دي ؟ نار ........نار : سمعت أخر كلام عن الثانوية العامة . بيقول إنها ..... : ياعم كبر دماغك .. ثانوية إيه وبتاع إيه .. إحنا خدنا إيه من التعليم . دا زمان الكمسري ده واخد دكتوراه . بص للكمسري وشوف عامل ازاي . ضحكات .هه .هه .هه : محدش له دخل بالكمسري .. ولعلمك أنا معايا كلية تجارة قسم إدارة إعمال . : وإيه اللي جابك هنا ؟ نار ......نار : سمعت النشرة النهار ده ... فيه عشرين عسكري أمريكي ماتوا في .. : يا عم .. بكره يبعتوا بدالهم ألفين . يعني عند أمريكا اللي جاي أكثر من اللي رايح نار .....نار : شفت الماتش إمبارح .. شفت الأهلي عمل إيه ؟ : أحسن حاجه اليومين دول لعب الكورة : ولا التمثيل : آه.. التمثيل ! ! نار ... نار : حمصيه .. سمسميه ... جوزة الهند .. حمصيا !!! . : يا ماما أنا عايز واحدة : بكام ياخويا الواحدة ؟ : بجنية .. بجنية .. بجنية . جدي كان بيعمل بيه . : ليه يا عم بجنيه ليه ؟ .. دا أنا جايباها الشهر اللي فات بنص . : دا كان الشهر اللي فات يا ست .. كل جاجه غلت نار ........نار : ماعدش رخيص إلا البني آدم وهو حي . _x000D_ نار.....نار