رئيس مجلس الإدارة
طارق لطفى
رئيس التحرير
أحمد سليمان
" اشتغلت فى بنزينه عشان امى الغلبانه واخويا ".. تامر حسنى يتحدث عن معاناته قبل الشهرة للوصول الى حلمه
وجه الفنان تامر حسني، عدة نصائح لجمهوره, وخاصا بداية مشواره ومعاناته لتحقيق اهدافه ووصوله لحلمه .
وكتب تامر عبر حسابه الشخصى على "إنستجرام": "قرأت معظم التعليقات على قد ما قدرت على آخر بوست ليا اللي فوق دا.. وفهمت أكتر حاجتين من تعليقاتهم عاملين إحباط لمعظمكم.. اليأس من النجاح.. إحباط المقربين.. وبعضكم واصل لفقدان الأمل والشغف وبعضكم فاقد الأمل في الحياة نفسها".
أضاف: "هطلب طلب منكم قبل أي شيء افتكروا معاناتي في بدايتي وظروفي الصعبة من غير أب ومن غير أي فلوس وبنزل أشتغل في الشوارع من عامل بنزينة لسوبر ماركت لفاعل يعني اللي بيبنوا العمارات بطلع طوب وأسمنت عشان أرجع بيتي لأمي الغلبانة بأي خمسة جنيه، بالإضافة لمرتب النادي لما كنت بلعب كورة كان مرتبي ٢٢ جنيه في الشهر منهم بقى تحويشة الميه والكهربا وعمليات أخويا عشان كان عيان لفترة كبيرة، كنت بعمل المستحيل فعلاً عشان أمي وأخويا وعشان أوصل لهدفي".
تابع: "كان جوايا سعي دائم لطريقين الكورة والغناء، وبقول دا عشان ناس كتير عايز أنصحها بالخطة البديلة عشان لو الحلم مجاش يكون في غيره، زي ما أنا كان نفسي أبقى لاعب كورة والكورة مش ليا والأندية كلها مشوني رغم تفوقي، كنت بسأل نفسي ليه الأبواب كلها بتتقفل في وشي أتاريها بتتقفل عشان توجهني لمسار آخر، ولما آمنت بكده فهمت قدام أن ربنا كان شايلي الأحسن ليا بس ساعتها مكنتش فاهم، واللي بيسأل نفسه دلوقتي يعني أنا أكمل في حلمي ولا أشوف حلم تاني هقوله دايماً أطلب من ربنا يساعدك هتلاقي علامات بتجيلك بس الشاطر اللي يفهمها، علامات هتأكدلك تكمل أو لا بس اجتهد واتعب عشان المجهود دا ليه كرم متحوشلك في مجالك التاني، فاوعى تقول تعبت على الفاضي".
" اشتغلت فى بنزينه عشان امى الغلبانه واخويا ".. تامر حسنى يتحدث عن معاناته قبل الشهرة للوصول الى حلمه
اترك تعليق