بعد شائعات الغاء قائمة المنقولات الزوجية \" شماتة \" البنات .. ظهرت فى التعليقات

بعد شائعات الغاء قائمة المنقولات الزوجية " شماتة " البنات .. ظهرت فى التعليقات

رغم مرور حوالى سبعة أيام على ما أثير حول الغاء قائمة المنقولات الزوجية الا ان الجدل ما زال ثائرا بين مؤيد ومعارض وكل طرف يحاول اثبات وجهة نظره بشتى الطرق لاقناع الاخرين بها.

وما بين المؤيدين والمعارضين ظهرت فئة الساخرين الذين تناولوا الأمر بالسخرية والكوميكسات التى تشير الى ما كنت تلزم به الفتيات والذى سيصبح الشباب ملزمين به وفقا لشائعات الغاء القائمة التى سيترتب عليها ان يقوم الشباب بتجهيز منزل الزوجية من الألف الى الياء.

وهو ما أثار "الشماتة" الساخرة لدى الفتيات اللاتى كن ترهقن ماديا وجسديا فى رحلة شراء "الجهاز" لتعلقن بالعديد من التعليقات الساخرة بعد ان "انعكس " الحال واصبحت هذه الرحلة من نصيب الشباب.

ومن أطرف التعليقات الساخرة من الفتيات على السوشيال ميديا هذه التعليقات:

لما اجبله ف عيد ميلاده طقم حلل عشان أساعده في الجهاز
بقولك عايزة بلايستيشن فى الجهاز
سابني علشان بنت خالته جايه م الخليج
الولية ياختي مجوزة ابنها من غير طقم اركوبال .!!
رنين ايه اللي نعملها متابعه بعد كده لأ خلاص احنا هنتابع ماتشات و نشرب واحد شاي سكر بره ع القهوة
لما الولاد يبقوا محتارين زينا و مش عارفين يجيبوا طقم جرانيت ولا سيراميك
لما الاقيه محتار يجيب حلل ايه ف الجهاز ‎
ابقوا ورونا هتتجوزوا اربعه ازااي
بابا بعد ما خلف 7 بنات ومخلفش ولد = انا ربنا نصرني
لا بقي دة الضحك للركب اليومين دول المصيبه اني بتنمر معاهم عادي ع الرجاله وأنا مخلفه ولد بعد كدة المثل هيتغير من يا مخلفه البنات شايله الهم للممات لي يا مخلفه الولاد
وانا رايحه أخده من عند الحلاق يوم الفرح بعد قرار إسقاط القايمه