رئيس مجلس الإدارة
طارق لطفى
رئيس التحرير
أحمد أيوب
>
- قطع المياه 6 ساعات عن مناطق بالجيزة.. الجمعة 2 أكتوبر
- سقوط تاجر آيس أدار صفحة لترويج المخدرات إلكترونياً بمركز طنطا
- فريق طبي بمستشفى القلب جامعة أسيوط ينجح في إجراء تدخلات دقيقة
- لجنة الدراما بـ "الأعلى للإعلام" تستعرض أبرز قضايا الأعمال الفنية
- رئيس مدينة ملوى يتابع جاهزية مخرات السيول استعداداً لفصل الشتاء
يا بوي ع الطب وسنينه
بتوع الطب بيقولوا جواز الأهل ماعرف ايه
وانا والله يابن العم ماعرف ليه
بيحكوا عن جينات وحاجات لا ليها علاقة بمشاعر ولا دخلت ف أى صفات
طب اعمل ايه محبكشي
ماهو لو كان بإيدي الحب كنت قفلت روحي عليه
وكنت منعت احساسي وقلت لنفسي ميجوزليش
برغم الشرع قال جايز
ولما سألت سيدي القلب قال عايز
وانا ماقدرش اكسر كلمه لجنابه
سعادة القلب واخد عمري لحسابه
وانا والله يابن العم .. انت الطب
وانت الحب
وانت العمر
وشبابه
وانت الليل وطول باله
وانت الصبح وعياله
ولو مقالوش ولو قالوا
انت حقيقتي والنيات
وانا منك كروح الشعر فى الأبيات
فخلي
الطب والحكما
يعيدوا النظرة
ف التحاليل
ووصوهم يشوفوا بديل
وانا متأكدة م الحب عمره مايجي منه عليل
ياواد خالى
اذا دخل الغرام القلب متخافشي
حكيم القلب منظارك مابيشوفشي
ولا بيعرفش
علم الغيب
وباسم الحب
والله باقولك
عيب متدخلش
في التفاصيل
وخليك فى الوجع والداء
وشوف لي علاج بديل الصبر
شوف لنا حاجة تبقي حياء
ودور عن علاج للكره. عن ترياق
وسيب الحب لاصحابه...
عشان هو علاج الداء.
شعر/ جيهان النجار
اترك تعليق