sec
x
رئيس مجلس الإدارة
رئيس التحرير
بقلم - دكتور نبيل عبدالفتاح قوطه:
مدرس القانون الدولى العام
كلية القانون- جامعة بدر بالقاهرة
دنيا العجايب والكل فيها ماشى
ناس بتضحك وناس بتبكى وناس تهاتى
وطفل على كتف أُمُّه
لسه للدنيا ميوعاشى
وجنين فى بطن أُمُّه
لِسَّه للدنيا مجاشى
وعروسة بيزِّفوها لعريسها
وميِّت لقبره ماشى
وناس بتبيع وناس تشترى
سوق من الحركة ما بيخلاشى
وناس حياتها كلام فى كلام
وناس وخداها بِجَدّ تمام
وناس بتقول يارب استرها ما تفضحاشى
وناس طمعانة ومهما تاخد ما ترضاشى
وناس شبعانة وناس باتت جعانة
وناس هلكانة وناس على البلاج نعسانة
وناس بتقول الحق ما تخافش الملامة
وناس للظلم وأهله خدَّامة
وناس بتنافق وناس بتحابى
وناس صريحة ما تعرف تدارى
وناس حسَّاسة وبآلام الناس بتتألم
وناس سئيمة ولغير آلامها ما تتألم
وناس حُبَّها للدنيا ما يتصَوَّر
وناس زهدها فيها ما يتقَدَّر
وناس كلامها دهب ويدَّرس
وناس كلامها محتاج تانى يتأسس
وناس عزمها جبل ما يتزعزع
وناس من لفحة هوا بتجزع
وصدق من قال ولا خبَّاشى
دُنيا العجايب والكُلِّ فيها ماشى
اترك تعليق