رئيس مجلس الإدارة
طارق لطفى
رئيس التحرير
أحمد سليمان
موقف صعب لـ آيتن عامر فى المصيف يدخلها فى نوبة بكاء شديدة
حرصت الفنانة آيتن عامر على كشف ذكرياتها مع المصايف، قائلة أنها كانت تقضي المصيف مع شقيقتها الراحلة «هالة»، وكانت تقضي الصيف معها وزوجها في بيتها بالإسكندرية.
وأضافت خلال استضافتها مع شقيقتها وفاء عامر ببرنامج "معكم منى الشاذلي" أنها ضلت الطريق خلال المصيف في أحد المرات، مضيفة: "كنا في قرية بالعجمي اسمها الشروق كنت وأنا صغيرة عارفة اسمها بس لكن معرفش الشارع اسمه إيه، في مرة مشيت كتير ومش لاقيين أهالينا وبدأت أعيط".
وتابعت: "ست شافتني وأنا بعيط وقولتلها أنا تايهة عن أختي الكبيرة، قالتالي إنتي ساكنة فين قولتلها في الشروق ومش عارفة رقم حد إلا رقم أختي التانية في القاهرة، فقالتلي إحنا عاوزين نكلم أختك اللي في القاهرة تقول لأختك في الإسكندرية عشان نتواصل".
وأكدت أن السيدة استضافتها في فندق يطل على البحر في البيطاش، موضحة: "اتصلت بوفاء وأنا بعيط، قولي لطنط هالة إني عند طنط، فخدت مني التليفون قالتالي البنت معايا في البيت".
وأشارت: "الست حمتني ولبستني بيجامة من عندها، والله ربنا يبارك لها، موقف كان صعب وهي ست جميلة وكل ما افتكر الموقف دة ببكي، ياريت ألاقيها ولو فاكرة اسمها أروح لحد عندها وأشكرها، وبدعليها لحد دلوقتي".
اترك تعليق