بقلم: إيفا نبيل
الحاجة الى واحد هو ربنا. بس لو انا لسه عايزة حاجات ابقى انا كدة مش مليانة من ربنا؟ ابقى انا مش مؤمنة ان ربنا يقدر يكفى احتياجاتى!!!_x000D_ طيب هى ايه إحتياجاتى: أكل وشرب ونوم وهدمة كويسة _x000D_ طيب افرض انا محتاجة لأكتر من كده، دا يبقى كفر وبطر على النعمة اللى انا فيها. "يا بنتى احمدى ربنا على اللى عندك، دا غيرك مش لاقيين". كلمة دايما بنسمعها، ساعات بنقبلها وساعات لا علشان فى جوانا احتياج مش مليان. _x000D_ احتياج للحب، لكلمة حلوة تسمعها من غير ما تطلبها _x000D_ لتشجيع على حاجة انت عملتها، لحضن من غير ميعاد مليان مشاعر _x000D_ احتياج انك تحب وتتحب، لحاجة تعملها بمزاج وانت مبسوط، لخروجة حلوة، لقعدة مع ناس تحس معاها بالراحة _x000D_ احتياج للوقت انك تعمل حاجة وانت مش مزنوق وبتجرى _x000D_ احتياج للتواصل من القلب مع ناس بتحبهم، احتياج انك تتكلم عن نفسك وتقعد مع نفسك ساكت متكلمش _x000D_ احتياج انك تبص لنفسك وتهتم بيها _x000D_ احتياج!!! لمجرد الاحتياج _x000D_ من كتر زحمة الدنيا وتربية العيال والجرى على لقمة العيش، كتير مننا معندوش الرفاهية عشان يشبع احتياجاته_x000D_ وتفضل الاحتياجات مكبوتة، ونبدى نضغط ونضغط لحد ما نوصل لمرحلة من الزهق والملل من غير سبب._x000D_ ويبتدى الحوار _x000D_ - "انا زهقان"_x000D_ طيب اقوم اتمشى،_x000D_ - "لا مش عايز"_x000D_ طيب عايز ايه؟ _x000D_ - "مش عارف" _x000D_ ونفضل مش عارفين لغاية لما نتوه من نفسنا ومنبقاش عارفين نفسنا ولا حتى احنا عايزين ايه._x000D_ حتى فى ابسط القرارات نبقى مش عارفين ناخدها. نفتح دوالبينا المليانه هدوم ومن كتر ما احنا مش عارفين نلبس ايه، بنبقى زهقانين ونقول "انا معنديش لبس" "انا مش عارفة البس ايه" طيب هوا انا هانزل اشترى ايه اصلاً؟". ودى حاجة صغيرة اوى بجد. _x000D_ دايرة مقفولة، تلف بينا وتدور من غير ما نوصل لحل. _x000D_ ولحد ما يبقى عندنا شجاعة نعترف باحتياجاتنا، هنفضل ندور. ننبسط شوية، نزعل شويتين ونزهق شويات._x000D_ وترجع ساقية الدنيا اللى مبترحمش تفرمنا تانى ويغيب الاحتياج ويرجع تانى. _x000D_ _x000D_ انا عارفة ان مش كلنا زى بعض وهتحسوا ان الكلام دا رفاهية، بس فى ناس تايهة ومش عارف توصل لسكاتها ويفضل احتياجها خانقها. _x000D_ _x000D_ _x000D_