يامحافظ الشرقية.. اغثنى حضيع أنا وأولادى

ارسل المواطن ناصر هاشم عبدالفتاح خليل من الخشة مركز مستول السوق استغاثة للدكتور ممدوح غراب محافظ الشرقية قال فيها اغيثونا انقذونا ساعدونى هضيع انا واولادى وامى المريضة بسبب دين وايصالات امانه على بياض وزوجتى ضامنة لى وانا ضامنها واتعثرت فى سداد باقى الأقساط ستة اقساط.

اضاف ناصر هاشم حياتى وحياتى اولادى مهددة بالضياع والتشرد بسبب ظروف المعيشة الصعبه المرة حياه غير ادميه اقسم بالله العظيم عايش عيشة غير ادميه الحمدلله اعيش فى حجره تلاته متر في تلاته متر واب مريض امراض مزمنه وام مريضه امراض مزمنه.

قال ناصر هاشم بعانى من ساعه شغلى فى الميكنه الزراعيه بعقد كانوا بيحاربونى فى اكل عيشى لحد الان والدى كان مريض بالسرطان وفشل كلوى وفشل فى كبد وامراض اخرى كان محجوزا فى الجامعه وكنت مرافقا له وكان مديرى متعنت معاى لدرجه الناس بقت تستعطفه علشان يسيبنى فى حالى اتابع حالة اسرتى المريضة لكن دون جدوى كان عاوز يفصلنى فصلا تعسفيا باى طريقه لحد ماتوفى والدى و اخدها فرصه وعمل لى اكثر من مذكرة تعنت وغياب وجمع المده وقام بفصلى ومن ساعتها وانا تعبان انا واولادى وامى ٥٠ سنه وانا دايخ وتعبان ليل نهار ونهارى ليل دايخ على الوزارت والهيات عشان اخد حقى ولا خياة لمن تنادى.

اضاف ناصر هاشم عملت كذا عمليه جراحيه مياه بيضاء وزرع عدسه وعمليه عرق وفتق اربى وناسور وشرخ شرجى وبواسير وعندى دوالى الساقين وغضروف وكلى والتهاب كبدى وبائى والحمدلله واشتغلت بعدها فى جراج عربيات كنت باحصل ع ٨٠٠ ج فى الشهر لكن مكنوش بكيفوا مصاريف بيتى ولاحق فواتير كهرباء ولامياه ولاعلاج لامى ولاحتى متطلبات الحياه القاسيه كنت بستلف بالدين علشان اكفى متطلبات بيتى تعبت لحد ماالسن وعمرى راح.

اشار ناصر هاشم الى انه بعد كده اتقفل المعرض من ايام كورونا وجت امى تعبت وجتلها كورونا ودوخت بيها على الدكاترة وتحليل واشعات واصبحت مديونا لحد الان بالاقساط لدرجه ان الناس عندماةيرونى بادور على شغل يبصولى باسخفاف شغل ايه الدنيا واقفه والحركه واقفه والاقتصاد واقف يعنى ايه اشغل واحد كبير فى السن واجبلك منين معيرة ومذله واستخفاف وشماته وتنمر عايش اقسم بالله العظيم فى مهانه ومذله حتى اصبح الموت ارحم من العذاب اللى بعانيه انا واولادى وامى اولادى كرهوا الحياة بسبب فقرنا وظروفى حتى ابنى الصغير كرهنا علشان مش قادر البى طلباته اقسم بالله العظيم تعبت مفيش مورد رزق وقاعد استلف بالدين علشان اعيش انا واولادى وامى.

قال ناصر هاشم ارجوك يادكتور ممدوح غراب و ياكل اهل الخير ويااصحاب القلوب الرحيمه وياكل من يقرأ شكواى ومأساتى ارحموا ضعف اولادى وامى المسكينه الارمله المريضه لوجه الله نداء لاهل الخير وللمسئولين ارجوكم الحقونا انقذونا اااا عاوزين نعيش انا واولادى وامى عيشه كريمه ادميه ولاابيع اولادى ولاانتحر لاقدر الله ارجوكم ساعدونا نعيش عاوزين نعيش ارحموا عزيز قوم ذل ارجوكم ساعدونى هضيع انا واسرتى وامى حياتى مهدده بالضياع ووالشرد اولادى فى الشوارع مش لاقى أأكل اولادى ولاعارف اعيشهم ولا قادر ادفع حق الفواتير من كهرباء ومياه واقساط ومصاريف علاج واشعات وتحليل اجيب منين مديون لطوب الارض اقسم بالله العظيم بموت بالحياه ارجوكم الحقوني ساعدونى يااهل الرحمه لوجه الله.