رئيس مجلس الإدارة
طارق لطفى
رئيس التحرير
أحمد سليمان
ريم مصطفى تفجر مفاجأة لأول مرة: اتجوزت بعمر 19 سنة واتطلقت بعد 10 سنوات وعندي عمر وعلي
فجرت الفنانة ريم مصطفى، مفاجأة لأول مرة وتحدثت عن تجربة زواجها التي امتدت لمدة 10 سنوات قبل أن يحدث الانفصال عن زوجها الذي انجبت منه عمر وعلي.
وأكدت ريم فى تصريحات تلفزيونية مع لميس الحديدي قائلة: "اتجوزت واتطلقت وعندي طفلين عمر وعلي".
وأضافت: "اتجوزت صغيرة جدًّا كان عندي 19 سنة والتجربة دي كانت من أهم التجارب اللي في حياتي وعلمتني أهم حاجة تختاري شريك حياتي وأبو ولادي ابن ناس ولكن احنا كنا مختلفين تمامًا ودي كانت مشكلة إنما هو ما كانش وحش".
وتابعت: "كنت بقعد اتكلم معاه إننا لما ننفصل يكون بهدوء بعيد عن المحاكم وتربطني بيه علاقة صداقة واحترام بعد الانفصال ويوم لما هبقى عايز آخد رأيه في حاجة هكلمه والحمد لله طلعنا عيال كويسة جدًّا".
وأشارت: "قعدت متجوزة 10 سنين واتطلقت علشان كنا مختلفين من السما للأرض برغم إننا عمرنا ما اتخانقنا وما كانش فيه بيننا مشاكل".
واختتمت: "الست ما تقدرش تكمل في الزواج لما يكون فيه عدم إحساس بالأمان أو السعادة، ولو راجل خاين أو كداب فهكون حاسة بعدم الأمان، ولو هو مش هيضيف لي سعادة هنا يجب الانفصال واتجوزت طليقي عن حب مش زواج صالونات، وأخذنا قرار الطلاق في هدوء وجلسة ودية وقلت له إننا ننفصل طالما مش عارفين نتفاهم ونتفق، وطلاقي كان القرار الصح".
اترك تعليق