رئيس مجلس الإدارة
طارق لطفى
رئيس التحرير
أحمد سليمان
- كيميا تجمع أحمد حاتم ومايان السيد فى فيلم "قصر الباشا"
- أسعار الحديد والأسمنت في الأسواق.. الخميس 6-11-2025
- هاني أبو ريدة: التأهل للمونديال لم يكن سهلاً.. وصلاح نموذج للقيادة
- موعد انطلاق الجمعة البيضاء 2025.. ونصائح ذهبية للمستهلكين لتسوق آمن
- الجناح المصري يفوز بجائزة أفضل تصميم في بورصة لندن الدولية للسياحة
رحمة حسن: كلب عضني عضة كبيرة ولسه بنزف.. تفاصيل
تعرضت الفنانة الشابة رحمة حسن لحادث بعد قيام كلب بالهجوم عليها وعضها.
وكتبت رحمة عبر صفحتها الشخصية على موقع تبادل الصور والفيديوهات "انستجرام"..
مساء الخير
امبارح الساعه ١١ بليل كنت نازله اجيب حاجه من السوبر ماركت جمب البيت ،وكنت ماشيه علي الرصيف وكان في عربيه بتركن جمبي عادي ، فجأه الباب اتفتح ولقيت كلب (جيرمن شيبرد) تقريبا مَش متأكده اوي ، بيهجم عليه بكل قوته ،طبعا حاولت اجري لكن للاسف الكلب كان قوي وشرس ووقعني على الأرض ، حاولت اقوم واجري وصاحبته حاولت تشده ، بس فك الليش بتاعه وعضني عضه كبيره وغويطه بنابه في منطقه حساسه . صاحبه الكلب كتر خيرها اخذتني فورا علي مستشفي امبابه ، ادوني حقنه تطعيم الكلب ولسه فاضلي ٤ هاخدهم خلال شهر، بس المشكله ان من امبارح الجرح بينزف دم كتير ،وانا طبعا خايفه ومصدومة .
وأضافت: تعبانه وعندي تروما من امبارح ، والي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتاذي، بس كمان مَش عايزه اي انسان كمان يتاذي ويتعض ويتبهدل في الشارع زيي .. انا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه ، امبارح صاحبت الكلب قالتلي متخافيش هو عض ولادي قبل كدا وتمام محصلش حاجه ! طبعا انا اتصدمت لما عرفت انها مَش اول مره الكلب يعض حد ومع ذلك هي سايباه عادي في الشارع منغير كمامه او حد قوي يمسكه .. بجد حرام عليكم ، الكلب لما بيكون حجمه كبير وشرس بيعتبر سلاح ،وصاحبه مسؤل مسؤليه كامله عنه ويحاسب علي اهمال مسؤليته ، خصوصا لو اهماله تسبب لشخص تاني في اذي بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف.
وتابعت : أنا كنت بحب أنزل احط اكل ومايه للكلاب والقطط تحت البيت ، دلوقتي انا حقيقي مرعوبه اقرب منهم وخايفه جدا .. انا اسفه طولت عليكم بس انا بجد مَش عارفه المفروض اعمل ايه عشان محدش تاني يتأذي.
اترك تعليق