رئيس مجلس الإدارة
طارق لطفى
رئيس التحرير
أحمد أيوب
>
- قطع المياه 6 ساعات عن مناطق بالجيزة.. الجمعة 2 أكتوبر
- سقوط تاجر آيس أدار صفحة لترويج المخدرات إلكترونياً بمركز طنطا
- فريق طبي بمستشفى القلب جامعة أسيوط ينجح في إجراء تدخلات دقيقة
- لجنة الدراما بـ "الأعلى للإعلام" تستعرض أبرز قضايا الأعمال الفنية
- رئيس مدينة ملوى يتابع جاهزية مخرات السيول استعداداً لفصل الشتاء
فصّل قيّمك تانى وألبس ليكرا يابانى
قال لى المبدأ ضاع
أتاريه كان متباع
قال لى ماصدقتوش
قلت كلامه فاشوش
أتاريه ضرس كبير
فاهم بطن الزير
قايس خط تماسه
ومسطر كراسه
كان أكبر بياع
قال لى بلاش مثاليه
وأرمى مبادئك ديه
فُك زراير قٕيمك
فى زمان الملاغيه
فصل توبك تانى
وألبس ليكرا يابانى
مُط مبادئك وأخلع
شخلع قيمك شخلع
وأرجع خمس عقود
عيشها بكل برود
وأضحك أصفر ضحكه
غٓير كل الموود
*******
قال لى أنا عم عمامك
عشت كتير إلهامك
دقت كتير من الحسره
من الخيبه و م الكسره
بعت مبادئى فى حاره
وقعوا علىٓ بخساره
ضاع العمر معاهم
وعانيت مُر قاسهم
وهم وعيشته سنين
كنت ساعتها سجين
للفكر المتسامي
ود شملول ود حامى
زرت مدينه ميمنون
وأتأفلطت كتير
فى مدينة المشاهير
رغم ماكنتش فاضل
بس أنا كنت بناضل
عن مدن الأوهام
يالا ياعم سلام
بلا خيبة بلا مبدأ
قوم ياحليله وأبدأ
شوف مصلحتك زين
دور على أكتافهم
وأعرف أكلك فين
أصل المبدأ ضاع
بِيع قبل ما تتباع
قال لى ،،،،،،،،،،،،،،،،،،
** مستواحه من المعلقه الشهيره. احمد الشب****ضاع ،،،،
بقلم / جمال الأفندي الزمر
مدير إدارة القوافل بجامعة جنوب الوادى
اترك تعليق