رئيس مجلس الإدارة
طارق لطفى
رئيس التحرير
أحمد سليمان
- عمومية الإدارية العليا تعتمد المرشحين للالتحاق بالمحكمة للعام الق
- الإفتاء توضح حكم خروج المرأة إلى المسجد متعطرة
- عمومية الإدارية العليا تعتمد المرشحين للالتحاق بالمحكمة للعام الق
- حكم الدم النازل على المرأة الكبيرة بعد انقطاع الحيض عنها
- الداخلية تكشف حقيقة ادعاء مواطن تواطؤ شرطة دمنهور لعدم تنفيذ حكم
سد خانة
بكل أمانة .. ماينفعش أكون بالنسبة لأى حد سـد خـانة؛
زى كوباية عصير.. تتشرب وتتساب فاضية فى أى حانة.
وألا لجل طيبتى تزيط؛وتفهم إنى عبيط،وتعملها شغلانة.
ده حتى العـبيط.. ياعبيـط..بين العـبط بيبقا لــه مــكانه؛
ومش سد خانة.
لو حد شاف إنى بالنسبة له..مجرد زى أى حاجة؛
وممكن كمان ماكونش.
أو حد مخلينى يدوب حاجة بتهـون عليه كتير؛
وأوقات قليلة اللى ماتهونش.
أو شايف إنى لو مسمعتش الكلام أبقا أى كلام!!
والعشرة تتباع ماتتصانش.
وساعتها الدنيا تبقا داقت علينا؛ ومش سيعانة.
بقوله.. انا مش سد خانة.
ممكن أكون بحب اتعامل كإنسان زى الكتير.. عادى؛
لا.. وده يمكن أكون أنا فى نظرى أقل .. من العادى.
وديما باجى وباروح باحترام؛ فى وقتى و ميعادى؛
لكن لا أحب أهين حد أبدا،،ولا بقبل من حد الإهانة.
يبقا أنا مش سد خانة.
يمكن أكون فى الأصل بسيط،،وكلمتى هى ياباسط؛
وبعيش فى حالى ولحالى،،ولاعايزلى ظابط ولارابط.
ولايشوفنيش الا اللى بيكون هو من جواه.. متباسط.
وكفاية علىَّ.. القلوب.. البسيطة ؛ وبلاها اللى سعرانة.
فأنا أكيد مش سد خانة.
أنا مخلوق بافهم مابين السطور .. من غير شرحه؛
وبيشوفنى ويحسنى بس..اللى بيشوف بجوارحه.
لأنى لابحب أبقا مجروح؛ ولا لحـد أكـون جـارحه؛
وكلامى ده من القلب اللى أصل حروفه.. الأمــانه.
يبقا أنا مش سد خانة.
أكيد لما كهربتنى السنين..زهقت من وجع طول الحنين.
زهقت إنى أدور على ناس ديماشاريهم..وهم ليه بايعين.
زهقت مللى كلامهم كذب،، ولاتعرفلهم لون؛مـن التلوين.
يمكن أكون بين الناس فقـير..لكن عيونى..بالعزة شبعانة.
يبقا أنا مش سد خانة.
أوع تفتكر إنى لكتر سؤالى عليك.. إنى من غيرك هاموت؛
أو تصدق إن الحياة من غيرك مستحيل،،وألاعلىَّ هاتفوت.
أوع تفكر أوتفتكر،،ده كل اللى بنيته بغلك ..بيت عنكبوت.
ودى الــدنيا بيــك ،، أو مـن غــيرك،، عـلىَّ واللــه مـليـانـة.
صدقنى أنا مش سد خانة.
#مولاناوالعاشق_محمدزكى
اترك تعليق