sec
x
رئيس مجلس الإدارة
رئيس التحرير
بقلم - نشوى محمد جبريل:
كل فترة و ليها ناسها
كل شخص هيسكن فترة جوة قلبك
ييجى ياخد حاجة منك و يمشي فجأة
و ناس تفضل ذكرياتها العمر كله
و نعيش باقينا على ذكرياتهم عمر تانى
و ياما قلبى شاف وشوش وضحكلهم دخلوا قلبى
و فى يوم و ليلة اتبخروا
و فى يوم ناديت عـ الصديق مالقيته زى ما يوم وعدنى القى معاه عشرة و ونس
ببص جمبه لقيت معاه اللى كان زمان يشوفنا وشه يقلب و يدينا ضهره
و اللى قال انه معايا طول حياته وعمره ما يغدر،،لفيت عليه لقيت معاه حبيبة تانية ولما عينه جت فى عينى
عمل ما يعرف اللى بنا و لا كإن بينا حاجة فى يوم زمان
حتى البيوت اتغيرت و الشوارع بقى ليها ناسها
وكل يوم بيتغيروا مبقاش فى حد يساعى حد
وفى المصالح يتجمعوا حتى اللى منى مبقتش احس بقلبه ليه
كل حاجة بتأكدلى ان احنا فترة و بننتهى و اذا كان دة حال الدنيا وقانونها قلبى ليه مش ماشي بيه
و لا يمكن علشان بخالفه العقاب بيكون غريب
دة قانون و ثابت و مش هيتغير
اللى صادق فى الزمن دة لازم تدوس عليه و تبعد كل شئ يحبه قلبه عن حياته
و اللى ماسك طبلة هو دة اللى ماشى حاله
و ابو العلا البشرى اللى كان صديق للكل و صادق فى زمنه طلعوه عقله طاير
وان يوم شافوك زى ما انت هيعيبوا فيك و فى حياتك يا تبقي ماشي فى صفهم يا تبقي انت اللى عقله طاير فى زمن مختل و كل حاجة ماشية عكس.
اترك تعليق