رئيس مجلس الإدارة
طارق لطفى
رئيس التحرير
أحمد سليمان
إنت مش وصي علينا..بسمة وهبة تهاجم ابراهيم عيسي
شنت الإعلامية بسمة وهبة، هجوما حادا على الإعلامي إبراهيم عيسى، بعد تصريحاته الأخيرة التي أثارت جدلًا واسعًا في مصر، حيث ادعى كذب واقعة المعراج واتهم رجال الدين الإسلامي بتزييف الواقعة، ما أثار موجة هجوم ضده قادها رموز وممثلون عن محافظات الصعيد.
وانتقدت وهبة المتحدثين في الشؤون الدينية والإفتاء دون تخصص، وأوضحت خلال لقائها في برنامج 90 دقيقة على قناة المحور: بنلاقي الناس على تيك توك ومنصات تانية بيتكلموا عن الدين وبيفتوا، انت بتكتشف حاجة بمخك إنت.. أنا ذنبي إيه وجيراني وأصحابي وأسرتي والمجتمع إنك انت عاوز تخليه يفهم غلط زيك؟!".
واستكملت وهبة : عاوز توصل لإيه؟! احتفظ بآرائك لنفسك وطبقها على نفسك، وخلي قناعاتك لنفسك، لكن أنا ذنبي إيه؟! انت مالك ومالي، أنت مش وصي عليّ ولا وصيّ على الدنيا ولا حد فوضك إنك تتكلم باسم ربنا واسم الدين، أنت من تكون؟!.
وأشارت وهبة إلى أن الفتاوى الشاذة في الدين تأتي في إطار تشويه المجتمع المصري، معقبة: وأعرض على الجاهلين، وتوخوا الحذر، والله خاطبنا في كتابه الكريم بيا أصحاب العقول، أي أن الله منحنا الله العقل لكي نزن به الأمور، أرجوكم تمهلوا وماتسمعوش وامتمشوش في السكة دي، وأتمنى من كل واحد بيحب يفتي ويقول آراؤه في الدين إنه يخلي آراءه لنفسه، مش عاوزين نعرف ومرجعيتنا الأزهر الشريف.
اترك تعليق