رئيس مجلس الإدارة
طارق لطفى
رئيس التحرير
أحمد سليمان
- أول نداء للوحي يؤكد مكانة العلم في الإسلام..الإفتاء توضح
- لن أعيش في جلباب..فارس بلا جواد..أهم أعمال خليل مرسى .ذكرى ميلاده
- أسعار الذهب والتحديث اللحظي في مستهل تعاملات اليوم
- بداية عام دراسي جديد..فاللهم يسر لأبنائنا أمرهم واحفظهم بحفظك
- "أنا قلبى ليك ميال.بتسأل ليه عليا.بيت العز".اشهر أغانى فايزة أحمد
حيوانات مش بني آدمين.. عمرو أديب يفتح النار على الشامتين فى وفاة وائل الإبراشي
أكد الإعلامي عمرو أديب أنه يجب التحقيق فى واقعة وفاة الإعلامي وائل الإبراشي قائلًا: "سفيرنا في روما دخل ينام مصحيش الصبح والأعمار بيد الله ووارد نموت بلا سبب، إنما ليه الحساسية في التحقيق في كيف مات وائل الابراشي، ومش وائل بس اللى مات كده فيه ناس تانية ماتت بنفس الأسلوب".
وأضاف: "وائل الابراشي مش هيتعوض، اللي بيمشي منا في شغلانتنا ما بيجيش غيره وفي أدائهم قليلين جدًّا، ومن فترة مسمعناش إن حد ممكن يقعد مكان حد، والإبراشي مذيع عظيم ومش ممكن يتكرر".
وتابع: "وائل الإبراشي ما كانش بيقول رأيه إلا لما يبين كل الآراء وبيقدم قلب الحاجة من جوا، واللي بيشتغل شغلانة التوك شو أصله صحفي مش أصله مذيع، والإبراشي كان دوره في طرح قضايا هامة، وتأملت جدًّا إن ليلة وفاته الهاشتاج اللي أكبر منه الشماتة في وفاته والراجل مات ولما مات واللي عملوا كده حيوانات مش بني آدمين وعندي ليهم سؤال هو إشمعنا لما الناس بتوعكم بيموتوا مش بنعمل كده وأنا مش فاكر لما مات محمد مرسي أو عصام العريان ما طلعتش شمت في موتهم وأنا ما أقدرش أكون حيوان زيهم، والقتلة وبرابرة الباء الكلاب قبل ما يدفن الابراشي شمتوا فيه، ما قدروش يواجهوه وهو حي وبارزوه وهو ميت".
واختتم: "هل سمعتوا إن فيه مذيع مات في بريطانيا أو فرنسا أو موزمبيق مات والناس قالوا أحسن ويشمتوا فيه، ليه بقى لما حد مننا يموت تشمتوا فيه؟ ومن مات منا فهو كافر ومن مات منكم من الشهداء وفي العليين، هو انتوا مطلعين على ربنا والغيب، جايز ربنا رحمه رحمة واسعة أكتر من المرشد بتاعكم".
اترك تعليق