رئيس مجلس الإدارة
طارق لطفى
رئيس التحرير
أحمد سليمان
أنا ابن مصر
بقلم_هاني القرعيش
انا ابن مصر
انا مش سياسى او مناضل
انا حتة من قلبك يا مصر
انا بروى من نيلك جراحى
ترياقك دواى يشفيه
اعشق ترابك اصلى منه
فيه ملامحى فى كل عصر
مهما الوشوش إتغيرت
مليان حنان لما المسه
وانام عليه يحصن همومى
بأعشق انا ترابك يا مصر
شجر الكافور و ريحته الجميلة
بتحكى كام قصة وحوار
والمعابد والاثار اتكلمت
علم وحضارة مش مزار
انا نخلك الطارح محبة
شاهد كمان قصص المحبة
بين الحبايب والجيران
القلوب الطيبة ولمة زمان
والسواقى الدايرة تسقى
كنت احب اقعد قصادها
ارسم الخير اللى طالع
يتولد منك يا مصر
انا شمسك الدافية الاصيلة
انا قمرك عايم فى نيلك
حارس شوارعك والحوارى
فارد جناحى ع البيوت
سامع كلام السهرانين
وامسح دمع المجروحين
للنهار وارجعلهم ف ساعه العصر
انا رملك الطاهر يا سينا
كام رسول عدى علينا
ولا طورك ويا موسى
و التجلى كان علينا
و لا يوسف مع ابوه
وعيسى والعزرا فى سينا
ابويا قالى لما اموت
لو حد سألك انت ابن مين
قولهم انا ابن مصر
**** **** **
اترك تعليق