رئيس مجلس الإدارة
طارق لطفى
رئيس التحرير
أحمد سليمان
- وزير الخارجية يُجري لقاءات إعلامية مع قنوات تليفزيونية عالمية بنيويورك
- الأكاديمية المصرية للفنون بروما تواصل مبادرة “محبو مصر”
- مركز ماسبيرو للدراسات يعقد ندوة عن التجديد في فكر الإمام المراغي
- الهيئة الوطنية للصحافة تفتح باب التقديم لجوائز "الامتياز الصحفي"
- غدا.. تفاصيل الدورة الأولى من «مهرجان القاهرة لمسرح العرائيس "
كنتوا شمتانين فيا فى عز ضعفى وحزنى وكسرتى.. منة عرفة تهاجم الشامتين فى انفصالها
أعلنت الفنانة منة عرفة عودتها لزوجها محمود المهدي بعد انفصالهما.
حيث كتبت عبر حسابها على إنستجرام قائلة: "من أصعب اللحظات اللى ممكن تعدى على أى ست لحظة الانفصال وخراب البيت، الطلاق يهتز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقه فبقى أبغض الحلال عند الله بالنسبة لكوا نكتة أو حاجة تتمسخروا عليها".
وأضافت: "رهان بتعملوه مع بعض على اننا مش هنكمل !، أو مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، فى عز ضعفى وحزنى وكسرتى إلى ربنا ما يكتبها على أى ست مرحمتونيش ولا قدرتوا إنى فى موقف لا أحسد علیه وشمتانين فينا!! قد إيه أنتوا ناس متعرفوش ربنا ولا فى قلوبكم رحمة، اتمنوا الخير لبعض يا جماعة بلاش نشمت فى بعض".
وتابعت :"لكن دى غلطتى أنا إنى شاركتكوا حياتى الشخصية، الإنسان بيغلط عشان يتعلم وأنا اتعلمت، ربنا يعينكوا على نفسيتكوا الجحيم دى، وعسى أن تكرهوا شيئا وهو خير لكم، يمكن الخلاف إلى حصل كشف لنا ناس كتير حوالينا كانوا بيمثلوا انهم فرحانين لينا بس الحقيقى إنهم كانوا مستنين أول مشکلة عشان يشمتوا فى كسرتى وخراب بيتي".
واختتمت قائلة:"بس والله ربنا مش هينولهلكوا وربنا يخليلى أهلى وزوجى والناس اللى بتتمنالى الخير ووقفت جمبى".
اقرأ أيضًا
مفاجأة.. منة عرفة تدخل عالم المهرجانات مع زوجها وتطرح أغنية جديدة خلال أيام
عرفتها استغلال.. خطيب منة عرفة يكشف سر رفضه نشر صور تجمعهما
اترك تعليق