رئيس مجلس الإدارة
طارق لطفى
رئيس التحرير
أحمد سليمان
اللي جاي مرعب وهيطول الكل.. نشوي مصطفي تطالب بإصلاح مجتمعي
أبدت الفنانة نشوى مصطفى حزنها من سلوكيات المجتمع، والجرائم البشعة التى تحدث فيه.
حيث كتبت عبر حسابها على فيس بوك قائلة: "اللي جاي صعب لو ما ابتديناش من دلوقتي، السلوك الفردى الهمجي بالوقت هيتحول لظاهرة وسلوك عام، القبح هينتشر أكتر وأكتر والبلطجة هتزيد وكل ماهو لا أخلاقي هيعم".
وأضافت: "المجتمع ملامحه بتتشوه، دي مش ملامحنا، سمات شخصيتنا بتضيع، النخوة والشهامة والرجولة والجدعنة والحياء والاحترام بقت صفات شبه مش موجودة، اللى جاي مخيف ومرعب، وهيطول الكل".
وتابعت: "محتاجين إصلاح مجتمعي وده لازم كلنا نساعد بعض فيه، البيت والإعلام والفن والدين كله يشتغل مع بعضه علشان ننقذ السفينة قبل ما تغرق بينا، انشروا الحب فالقبح ينتشر والفزع قادم للجميع لو ما ابتديناش، اللهم الغوث والمدد، اللهم انظر إلينا بوجهك الكريم نظرة تنير القلوب وتزيل مافي الأرواح من جهل وحمق".
اترك تعليق