رئيس مجلس الإدارة
طارق لطفى
رئيس التحرير
أحمد سليمان
استلمته فى ثلاث دقائق.. نشوي مصطفى تشيد بتطور الشهر العقاري وتؤكد مصر تتغير للأفضل
حرصت الفنانة نشوى مصطفى على مشاركة جمهورها تجربتها أثناء قيامها بعمل توكيل بالشهر العقارى فى التجمع الخامس.
حيث كتبت عبر حسابها على فيس بوك قائلة: "بلدنا قد الدنيا، النهاردة كان عندى تجربة عظيمة منتهى الإيجاب والإحساس بالفخر بوطن عظيم بيتغير للأفضل وبالبرهان مش كلام، من سنتين تلاتة كنت بعمل توكيل فى الشهر العقارى فى التجمع الخامس، أول يوم روحت كانت الساعة 9 الصبح قالوا لى حضرتك اتأخرتى لازم تكونى هنا الساعة سبعة ونص تاخدى رقم، قلت لهم طيب ماخد رقم دلوقتى، قالولى الأرقام خلصت فوتى علينا بكرة، وروحت بكرة سبعة ونص وقفت طابور عشان أخد رقم، طابور طويل ولما وصلوا لنص الطابور قالو لنا خلاص الأرقام خلصت فوتوا علينا بكرة".
وأضافت: "اتنرفزت أنا وغيرى وزعقنا ومشينا بعد ما فيه حد ابن حلال قالى مدام نشوى، عايزة تلحقى تعالى خمسة الصبح احجزى مكانك فى الطابور وانتى تلحقى، المهم بعد محاولات أربع أيام عملت التوكيل".
وتابعت: "النهاردة احتجت أعمل توكيل، روحت أخدته فى ثلات دقايق، أقسم بالله ثلات دقايق، عملت الإجراءات أونلاين وأنا قاعدة فى بيتى ودفعت الرسوم أونلاين، وروحت استلمته فى ثلات دقايق، المكان مكتب توثيق التجمع الخامس بمحكمة القاهرة الجديدة".
واختتمت قائلة: "بلدنا بتتغير.. يا رب احنا كمان نتغير، احنا مش أقل من دول العالم، شكراً يابلدنا.. شكراً وزارة العدل.. شكراً الشهر العقارى.. مصر قد الدنيا.. الجمهورية الجديدة وتحيا مصر، تحيا مصر، تحيا مصر".
اترك تعليق