رئيس مجلس الإدارة
طارق لطفى
رئيس التحرير
أحمد سليمان
- أبو الدهب: المنتخب الوطني سيودع أمم إفريقيا من دور المجموعات
- بمشاركة هالاند النرويج يتأهل إلى كأس العالم بفوز كاسح على إيطاليا
- مقابل 2 مليون دولار..عرض سعودي لضم أليو ديانج من الأهلي
- متأثرا بالبكاء.. رد فعل سوبوسلاي بعد فشل المجر في التأهل لكأس العالم
- مدحت عبد الهادي يكشف عن علاقته بالراحل محمد صبري
الرئيس السيسي: "كل حاجة غلط هتتشال زي ما كانت من ٣٠ سنة .. طول ما أنا موجود في مكاني"
قال الرئيس عبدالفتاح السيسي، إنه من غير المقبول التعدي على الجسور والبناء على الأراضى الزراعية، موجها الأجهزة المعنية بإزالة كل التعديات التي تمت قبل 30 عاما مضت.
جاء ذلك في مداخلة الرئيس السيسي اليوم الاثنين، تعقيبا على كلمة وزير الزراعة واستصلاح الأراضي السيد القصير، خلال افتتاح محطة معالجة مياه مصرف بحر البقر التي تعد الأضخم من نوعها على مستوي العالم .
وأضاف: "6 شهور وكل حتة زي ما كانت من 30 سنة مش قبل 2011 .. لا لا.. من 30 سنة كانت نظم الرى والجسور إزاي، هتتشال كل حاجة غلط فيكى، طول ما أنا موجود فى مكاني هنا".
وتابع الرئيس: "المفروض مننساش الكلام ده، ليكون كانت هوجة خلال أربع سنين فاتت وخلاض بقا، بقول للتنمية المحلية والمحافظين والمواطن، هوجة البنا على الأرض تاني !!!، تشوفوا الأرقام اللى إحنا بنعملها علشان نزرع 500 ألف فدان نتكلم في أد إيه ؟ وانت بتنبى على الأرض بتاعتك بعد كل ده، والله هذا السلوك هدم لقدرة الدولة مفيش حد بيعمل كده في بلده وحد يجي علي منشآت رى ويتعدى عليها كده بأكد عليه تاني".
واستكمل الرئيس: "آى ممارسات سلبية مش هتبقى مقبولة وإذا كانت كانت مقبولة قبل كده والناس بتغض الطرف عنها قبل كده أنا مبعرفش أعمل كده، مبعرفش اطنش، لو كنت بعرف اطنش كنت طنشت 2011 و 2012 و 2013 وسيبت البلد دي للمجهول".
ومضى الرئيس بالقول: "وبقول كده لكل مسؤول في مصر وكل محافظ ومدير أمن لو سمحت متسكوتش على الغلط علشان مصلحة البلد دي مفيش بيني وبين حد خصومة، أنا بيني وبين الباطل والتعدي والشر والظلم خصومة انا عندي كده، وآى حد تاني يقول أنت ليه بتحط نفسك في المجالات دي مبتسبهوش، هما يقول وزير الرى يقول وزير الزراعة يقول طيب حتى دولة الرئيس وانت خليك جميل وحلو يعني، لا، مفيش حاجة اسمها الكلام ده، البلاد مبتجيش بالدلع والطبطبة بتيجي بالجدية والعمل والانضباط والالتزام ولازم كلنا نبقا مقتنعين بكده".
اترك تعليق