رئيس مجلس الإدارة
طارق لطفى
رئيس التحرير
أحمد سليمان
منى زكى تكشف عن كواليس شخصية "هنا" فى " لعبة نيوتن"
تحدثت الفنانة منى زكى عن غيابها لمدة 4 سنوات ومشاركتها في رمضان في مسلسل "لعبة نيوتن" قائلة: "كان بقالى 4 سنين قاعدة في البيت وبيجيلى شغل بس مش أحلى حاجة والمحمسة وفضلت أغلس على نفسى شوية لأنها مكنتش حاجات وحشة أوى ولكن أنا سخيفة مع نفسى شوية، لغاية لما المخرج تامر محسن كلمنى وقالى عندى مسلسل تحبى تشتغلى فيه فقلتله أكيد أنت مخرج كبير وأحب أشتغل معاك وأخوض التجربة".
واضافت زكى،خلال لقائها في برنامج "صاحبة السعادة" مع الإعلامية والفنانة إسعاد يونس , "لما تامر محسن حكالى الحدوتة مكنش الورق خلص لسه بس عجبنى الكاركتر وهو حكالى معظم اللى هيحصل وابتدينا نصور شوية حلقات مكتوبة حلوة أوى، وورشة الكتابة كانت جميلة والشخصيات كاتبينها بشكل حلوة أوى والأحداث حلوة ومش مفتعلة وجاية بالهداوة وفى نفس الوقت في نار والعة، وده تم تنفيذه بشك حلو أوى، ولما تامر محسن قالى على باقى الممثلين المشاركين انبسط أوى من اختياره لفريق العمل".
وعن رأيها في شخصية هنا قالت منى زكي: "أنا مكنتش شايفاها شخصية غبية وشايفاها شخصية بريئة وعاوزة تثبت ذكائها وقوتها لأنها حاسة إن فيه حاجة جواها ونفسها تلاقى حد يشجع الحاجة دى ويقويها؛ لأن طول الوقت عندها عدم ثقة في نفسها ولما لقت نفسها بتعمل حاجة في حاجة فبدأت الدنيا تبوظ منها شوية لأنها كانت في مرحلة ان عاوزة شوية تفكير بس".
اترك تعليق