رئيس مجلس الإدارة
طارق لطفى
رئيس التحرير
أحمد سليمان
"مش قادرين ناخد كلامك بجدية " .. الشباب يردون علي نصيحة محمد هنيدي
نظرا لسيطرة أجواء الثانوية العامة على الأجواء، قام عدد من الفنانين برواية ذكرياتهم وموافقهم فيها، كما قدم البعض النصائح للجمهور، ولكن جميع منشوراتهم تم السخرية منها بشكل كبير عبر صفحاتهم...
قدم الفنان محمد هنيدي النصيحة للجمهور، وقال :"ماتخليش حد يحطلك مقياس للنجاح في حياتك .. النجاح ممكن يكون بمجموع كبير في كلية وممكن تعمله من غير المجموع ده برده، .. النجاح مش بالفلوس .. ولا بصور انستجرام اللي ظاهر فيها انك سعيد وبتصيف كل اسبوع في مكان شكل، ولا انك عندك فولورز او قناة يوتيوب كبيرة".
اضاف:" النجاح ملهوش مقياس لكل الناس .. انت ممكن تكون شغال شغلة بسيطة بس سعيد وراضي وناجح فيها .. فكرة ان ناس حصرت النجاح في اشكال معينة وانك تقتنع بإن ده هو النجاح .. ده اللي هيخيلك عمرك ما هتبقى سعيد".
تابع :" النجاح هو انك تحقق اللي انت عايزه حسب قدراتك وعقلك ودماغك .. مش انك تحقق اللي الناس عايزاه وشايفاه نجاح، النجاح انك توصل لسعادة ورضا سواء انت بقى ملياردير او اللي جاي على قد اللي رايح، اوعى تحصر فكرة النجاح والسعادة في الفلوس أو في الشهرة ولايكات فيسبوك وانستجرام ومشاهدات يوتيوب".
تفاعل الجمهور مع نصائحه وعلقوا ساخرين من مجموعه بالثانوية العامة، إذ انه كان قد أعلن على حصوله ٥١٪، حيث قالوا :" انا من ساعة ما عرفت انك جايب 51% في الثانوية العامة وانا متفائل رغم الفشل الي غرقان فيه"،" اشبع ثم اتفلسف "،" انت نجحت لدرجه اني مش قادرة اخد كلامك بجديه ومستنية الحته الهزار ف الاخر"، وكانت بعض التعليقات الأخرى تتسأل عن رد فعل الاهل بعد هذه النتيجة، وقالوا :" المهم ابوك عامل فيك ايه"،" هربت منهم ولا اية "... وغيرها.
الأكثر مشاهدة
اترك تعليق