الفيزياء أصاب طلاب الثانوية العامة بالقليوبية بالصدمة

انتهى طلاب الشعبة العلمية بالثانوية العامة اليوم السبت ٢٤-٧-٢٠٢١ من اداء امتحان مادة الفيزياء والذى بدأ في الساعة العاشرة صباحا وانتهي في الواحدة ظهرا.

وخلال جولتها امام لجان الامتحان بمدارس القليوبية، رصدت الجمهورية اونلاين ردود افعال الطلاب وارائهم حول مستوي الامتحان،حيث اكد الكثير من الطلاب والطالبات ان الامتحان كان صعب جدا ولم يكن مناسبا للطالب المتوسط وانما اعلي من ذلك، بشكل يجعل النجاح فيه صعبا، واعرب الكثير منهم عن اصابتهم بالصدمة خلال الامتحان وصدمة اكبر بعد الانتهاء منه وهم يشعرون بخيبة الأمل.

قالت الطالبة رانيا منير للأسف الامتحان كان صعب واعلي من مستوى الطالب المتوسط والفيزياء اصلا صعبة ليه الامتحان يصعبها زيادة

وشاركتها الرأي الطالبة هنا الصيفي قائلة: والله حرام الامتحان يكون بالشكل ده، احنا مش عارفين حلينا ايه ولا كتبنا ايه لان الاسئلة فعلا صعبة جدا.

واضافت الطالبة هاجر كنا بنقول عن العربي والالماني صعب، لا بصراحة الفيزياء صدمتنا وخاصة اسئلة القوانين انا مش فاهمه الاسئلة اصلا.

وقالت الطالبة اسراء الامتحان كان صعب جدا بالذات الفيزياء الحديثة فعلا مش عارفة الاسئلة ازاي صعبة وغير مفهومة بالشكل ده.

واضافت الطالبة منار الامتحان في مجملة كان صعب واسئلة كتير كانت غير مباشرة ومحتاجة تركيز شديد ووقت طويل للتفكير في الاجابة

وقالت الطالبة اسماء مجدي حرام لما يكون الامتحان ٥٠ سؤال ويكون منهم ٣٠ سؤال مش فاهمينهم اصلا.

واضافت الطالبة فاطمة حلاوة يرضي مين اننا نخرج من الامتحان واحنا حتي مش عارفين هننجح ولا لأ لاننا مش عارفين حلينا ولا لأ لان الاسئلة كانت صعبة ومش مفهومة وغير مباشرة.