رئيس مجلس الإدارة
طارق لطفى
رئيس التحرير
أحمد سليمان
وزير النقل: حصيلة التهرب السابق من دفع التذاكر تقدر بـ500 مليون جنية بالعام.. ونربط الخردة بسعر البورصة
شدد المهندس كامل الوزير، وزير النقل والمواصلات، خلال حديثا شديد اللهجة لبعض العاملين في هيئة السكك الحديدية، على ضرورة الالتزام بالزي الرسمي الجميل الخاص بالهيئة، متابعًا: "متطلعوش أي رحلة إلا وأنتم مرتدين الزي الرسمي، ساعدوني وأنا أساعدكم، إحنا دافعين في الزي الرسمي فلوس، مجيش بقى ألبس القميص الأحمر والمشجر".
وقال «الوزير»، خلال تصريحات تليفزيونية، إن حصيلة التهرب السابق من دفع التذاكر كانت تقدر بـ500 مليون جنية في السنة، وتم تحصيل كل ذلك، «كمان زيهم وأكتر مرتين في بيع الخردة، اللي كانت بتتباع ببلاش في السكة الحديد، دلوقتي الطن بـ 5 و 6 و7 آلاف جنيه، ومربوط ببورصة الحديد عالميا».
ولفت وزير النقل والمواصلات، إلى أنه قبل ذلك كان يتم بيع الطن الحديد الخردة من السكة الحديد بـ1500 جنيه، «كان يوم ما يتمعظم كان بيتباع 2000 جنيه، والحاجات اللي فيها شوية صاج كانت بتراب الفلوس، كله عندنا مربوط ببورصة الحديد عالميا، الشركات المصنعة للحديد في مصر كانت بتستورد خردة من الخارج وتجيب خردة صفيح، ببيع الطن ليهم أنا بـ7 آلاف جنيه، وهذا مراقب شهريا».
وأضاف: «الرئيس عبد الفتاح السيسي يتابع معايا وببعت له أول بأول كل شهر، وهو اللي قال نربط الخردة بسعر البورصة، بنبيع خردة بـ500 لـ600 مليون في السنة وزيهم إعلانات واستثمار أراضي السكة الحديد، كل خرم فيكي يا سكة حديد كل متر غير مستغل في أغراض التشغيل بنقوم بالاستثمار فيه».
اترك تعليق