رئيس مجلس الإدارة
طارق لطفى
رئيس التحرير
أحمد سليمان
- منتخب مصر يواجه بنين بالقوة الضاربة في دور الـ 16 بأمم افريقيا
- المغالاة في الأسعار اضرار بالناس .. والاحتكار حرام شرعًا
- كأس امم افريقيا: موعد مباراة منتخب مصر وبنين والقنوات الناقلة
- التحالف العربي: قوات البحرية السعودية أكملت انتشارها في بحر العرب
- الداخلية تحبط محاولة عصابة خطيرة جلب مخدرات قيمتها ربع مليار جنيه
عجينة الغدر
شعر: أسماء كامل
أنا بَلعَن ف الحُزن امَّا بياكُل
بشويش فِ الجتَّة
زَي المَركَون فِ هدومَك
مَا يدوب م العِتَّـه
زَي مشَاعرَك
لو مرَّة اترَكَنِت ع الرَّف
بتتفتِّت
ييجِي مِليون حِتَّة
مَا بَـلاش تِتعَـامِل
علىٰ إنَّك ضامِن روحِي
وبَلاش تِتراهن علىٰ إنَّك
جوَّة صروحِي
هوَّ انتَ عشَان مَرَّة وصابِت
هتفَكّر بيِك ضحكِي
ونوحِي!!
دَا البُعد مَا بين السَّما والأرض
كأنُّه معَايَا
بيشِد قلوعُة ويبنيهَا
جوَّة حشَايَا
لَو فكَّر حَد انُّه يقرَّب
بيمُوت جوَّايا
طَعم الأيَّام بقىٰ زَي
المَعجُون بِمرَارة
والعَجن مفَروِل ف عروقِي
علىٰ مِليون حَارَة
لَو افكَّر الَملِم فتَافيتُه
يحذَّرنِي بغَارة
أنا عُمري خَلاص بقىٰ متسمِّم
بعجِينة الغَدر
لو احَاوِل مرَّة انِّي اخبِزها
بتشرُخ ف الصَدر
ف احسَنلِي انِّي اطلُب
مِن رَبِي
انُّه يزيِد مِ الهَجر
وخَلِّينا نكَمِّل ونسَايس
مُرِّنَا بسلَام
نتوَهَّم بانِّنا بنحَقَّق كُل
الأحلَام
وكَأن الحِلم بتَحقِيقه
هتِحلىٰ الأيَّام
اترك تعليق