رئيس مجلس الإدارة
طارق لطفى
رئيس التحرير
أحمد سليمان
"عيب".. عبلة كامل ترد على مروجى شائعة اصابتها بمرض خبيث
عبرت الفنانة القديرة عبلة كامل ، عن استيائه بما نشر وتداول حول اصابتها بمرض السرطان.
قالت كامل في رسالتها: "عيب، والله العظيم عيب، لو الناس مش بتتقي ربنا وتخاف منه في وقت زي ده.. هتلاقيه وتخاف منه امتى؟ وايه اللي هيستفيد منه إنسان من إنه يقلق حياة الناس بكلام كذب، بيدعي إنه بينشره لإنه محب أو معجب"
وأضافت: "أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا بتابع السوشيال ميديا ولا بانشر عليها أي شيء من أي نوع ولا مهتمه بكده، وأتمنى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب:.
وتابعت: "كل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني و شغلي كله كذب وافترا، والحمد لله أنا في أحسن صحة وعافية، وبشكر الناس الطيبين كلهم على محبتهم وتقديرهم اللي أنا ممتنة لها وبحمد ربنا عليها، وربنا يتقبل دعواتكم الجميلة ليا ويخلي لكم حبايبكم".
اترك تعليق