رئيس مجلس الإدارة
طارق لطفى
رئيس التحرير
أحمد سليمان
ريم العدل تبرئ مهرجان الجونة من تسببه فى إصابتها بفيروس كورونا وتشيد بوزارة الصحة
قالت مصممة الأزياء ريم العدل أن مهرجان الجونة اتخذ كافة الإجراءات الإحترازية في التعامل مع فيروس كورونا بشهادة وزارة الصحة، لافتة إلى أن أى فعاليات أخرى، لم تكن تخضع لمسئولية المهرجان.
وعلقت ريم عن محاولات البعض إدانة المهرجان وذلك من خلال حسابها على فيس بوك قائلة، "امبارح كتبت بوست بعلن فيه إصابتي بكورونا.. واللي أنا مش شايفاها عيب ولا وصمة.. لا أنا أول واحدة ولا آخر واحدة يا جماعة.. احنا فى وباء عالمي.. وكل واحد مصاب أو مخالط عليه مسئولية أخلاقية يبلغ اللى حواليه على فكرة عشان ياخدوا احتياطاتهم"
وأضافت ريم، "المهم من أول ما كتبت البوست وأنا عمال يجيلى مكالمات من صحفيين طالبين تصريحات ومداخلات في برامج مهمة لإدانة مهرجان الجونة ومش فاهمة ليه بجد؟ وكأن فيه ترصد لمهرجان الجونة اللي الحقيقة وبشهادة وزارة الصحة نفسها كان واخد كل الإجراءات الوقائية.. أي فعاليات مش تحت إشراف المهرجان مباشرة لا تخضع لمسئوليته وإنما هي تحت مسئولية منظميها".
وتابعت: "كلنا أفراد راشدين مسئولين عن قراراتنا وسلوكياتنا.. وعلى فكرة أستاذة نشوى مصطفى ربنا يقومها بالسلامة يارب ما كانتش في الجونة أصلاً.. و ويجز ماكنش في مهرجان الجونة ده واحد كان مسافر الجونة مع أصحابه .. طيب بلاش.. تامر هاشم أعلن اصابته قبل الجونة اصلاً و أكيد تامر هاشم أشهر منى بس ما تعملش على تصريحه الزيطة اللي حصلت امبارح عشان ماكنش في ساعتها جونة نلوم علي منظميها".
واختتمت قائلة: "كفاية يا جماعة ارحموا نفسكوا... انا ما شوفتش ناس بتتلكك عشان توقف الحياة بالطريقة دي.. ربنا يسلّم ويحفظ الكل".
اترك تعليق