رئيس مجلس الإدارة
طارق لطفى
رئيس التحرير
أحمد سليمان
رد نادرى من زوجة محمود علاء على الشامتين فى زوجها.. صور
انتقدت زوجة محمود علاء مدافع الفريق الاول لكرة القدم بنادى الزمالك الشامتين فى إصابة زوجها خلال لقاء إنبى مساء أمس، الأحد، ضمن لقاءات الجولة 23 من بطولة الدورى المصرى.
وشنت زوجة محمود علاء هجوم عنيف على هؤلاء ، وذلك عبر صفحتها على موقع التواصل الاجتماعى انستجرام ، حيث كتبت :
"كمية سخافة وقرف وقلة أدب مش طبيعية، مش هعلق لا شوية قرود على إصابة محمود، وأعمل شغل النسوان اللى انتوا عملتوه، وده عشان أنا أرجل منكم للأسف، لكن فكرة إنك حيوان تدعى على لاعب لا عمره أذاك ولا تعرفه شخصيا أصلا ولا اتعاملت معاه لمجرد إنك من جمهور منافس، اسمحلى أقولك إن الحيوان فى رحمة فى قلبه عنك" .
وتابعت : هتستفاد ايه لما تدعى إن لاعب يجيله صليبى أو تقول يارب يموت، يا شيخ موتة تشيلك بحق لا لإله إلا الله، على الأقل ده واحد بيتعب وبيشقى، مش زيك قاعد ملكش قيمة غير انك تشتم فى خلق الله وقاعد عاطل مش وراك شغلانه غير انك تدعى على الناس من غير سبب كده.
واتمت : روحوا اتعالجوا بقى يا شوية مرضى وارحمونا من قرفكوا وإن شاء الله كل دعوة اتقالت تتردلك فى أهلك وأقرب الناس ليك يا معدوم الضمير والرحمة، ربنا يحرق دمك وقلبك يارب، إن شاء الله كل واحد طلعت منه دعوة مؤذية تترد فيك وفى أقرب الناس ليك وحسبى الله ونعم الوكيل .
وحقق الزمالك فوزًا مهما على نظيره إنبى، بهدف دون رد، فى المباراة التى جمعت بينهما مساء أمس، الأحد، على استاد القاهرة، ضمن منافسات الجولة الثالثة والعشرين من مسابقة الدورى الممتاز، ليستعيد انتصاراته فى المسابقة المحلية عقب تعثره الأخير أمام المقاولون العرب، فى الجولة الماضية، بهدفين مقابل هدف، ليواصل الأبيض مُلاحقته لفريق بيراميدز على المركز الثانى الذى يرغب أبناء ميت عقبة فى الظفر به هذا الموسم لحجز بطاقة المشاركة فى دورى أبطال أفريقيا فى النسخة المقبلة
اترك تعليق